[محمد الراشد]

اقدم لكم هذه القصيدة
وهي بمناسبة الازمة العاطفيه التي المت بالعالم اجمع ؟
وعلى ضوء ذلك تم تسريح ثلثي من العواطف والمشاعر
والثلث الاخر مجهول المصير ربما يكون تحت الانقاظ

صحيح احبك من زمان الطفوله = يوم الشقا عن قرب الاطفال تايب
حتى المحبة يوم جتنا خجوله = مستغربة؟ طفلين صاروا حبابب
نضحك نسولف كل خافي نقوله = والحب مخفينه ..نخاف القرايب
وكل"نشد غاليه وش هي ميوله = وقلنا سوى..نخشى زمان العجايب
رعيان نفرح بالربيع بْحلوله = لاقفى الدهر من جيّة الوسم هايب
نفرح بساعات المطر في هطوله=وانضيق اذا مافي سمانا سحايب
وكان الفراق الليل لاعلن وصوله = ويروح ليلي بس افكر بغايب
والصبح كل" كيد ولم ذلوله = وكل" على الثاني من الشوق ذايب
احيانا اركب والذلول معقوله = عجلان ..ماظنه عشان الركايب
مع الفرح مرت سنيني عجوله = وكل" مشى في درب مثل الذهايب
لاصوت لاصورة ولاشفت زوله = مدفون حي بدون قبر ونصايب
والعنك ياشي" يجي بالسهوله = مصيرك تواجه وراه الصعايب
شفني؟ربحت الكاس قبل البطوله = وشفني خسرت الكاس يوم الكسايب
ماكل شي" لابغيته تنوله = تمشي وترجع باخر الوقت خايب
اخذت لي في نعمة الحب جوله = وتغير الواقع بليا سبايب
واصبحت اعرف الحب عرضه وطوله = وعرفت وش معنى الجروح العطايب
حب الطفوله يوم وصل الرجوله = تبدلت حاله وشفت المصايب
بس انت حاول قدر الامكان توله = لوني على مركاي والراس شايب
انت بخفوقي لك ربوع وحموله = وابشر بعزك لوتهب الهبايب
حــاول معي بالحب لو شفت ضوله = ولا طيع شيطانك لعين الصلايب
انــا انتظر؟ لو اليدين مغسوله = وسلم على رمشك عطيب الضرايب
وعزالله اني لاذكرت الطفوله = ودي اعود طفل لو صرت شايب

الموضوع الأصلي: صحيح احـبك من زمان الطفوله يوم الشقا عن قرب الاطفال تايب | | الكاتب: محمد الراشد | | المصدر: شبكة بني عبس

[ابو بيان]

انت بخفوقي لـك ربـوع وحمولـه
وابشـر بعـزك لوتهـب الهبايـب
حاول معي بالحب لو شفت ضولـه
ولا طيع شياطنك لعيـن الصلايـب
انا انتظـر؟ لـو اليديـن مغسولـه
وسلم على رمشك عطيب الضرايـب
وعـزالله انـي لاذكـرت الطفولـه
ودي اعود طفل لو صـرت شايـب

صح اللسانك محمد الراشد وسجل اعجابي

[هاني العرعري]

يعطيك العافيه
وشهادتي فيك مجروحه
وبيض الله
مدد بلا عدد

[برق الوسم]

رعيان نفرح بالربيع بحلوله
لاقفى الدهر من جيت الوسم هايب
صح لسانك واعتلا شانك
شاعرنا محمد الراشد ماشاءالله عليك
سجل اعجابي للأمام يامحمد وننتظر جديدك
تقبل مروري

[محمد الراشد]

اقتباس من مشاركة ابو بيان انت بخفوقي لـك ربـوع وحمولـه وابشـر بعـزك لوتهـب الهبايـب حاول معي بالحب لو شفت ضولـه ولا طيع شياطنك لعيـن الصلايـب انا انتظـر؟ لـو اليديـن مغسولـه وسلم على رمشك عطيب الضرايـب وعـزالله انـي لاذكـرت الطفولـه ودي اعود طفل لو صـرت شايـب صح اللسانك محمد الراشد وسجل اعجابي

هلا ومرحبا
احوي ابو بيان

مرورك الرائع اجمل من القصيدة
شرفتني

تقبل تحياتي

[سعيد عيد الرشيدي]

وعـزالله انـي لاذكـرت الطفولـه
ودي اعود طفل لو صرت شايـب

وهل هنا اجمل من ذكريات الطفوله لان الطفوله هي البراءه

قصيده جميله بأكملها ولكن هذا البيت اعجبني بكثره

صح لسانك مليوووووون اخوي محمد الراشد
على هذه القصيده الراقيه والرائعه بكل معاني الروعه
وشهادتي فيك مجروحه
تقبل تحياتي وتقديري

[مرزوق العجوني]

صح لسانك ولا هنت على الرائعه وتقبل مروري وتقديري

[goldenboy]

شفني ربحت الكاس قبل البطوله
وشفني خسرت الكاس يوم الكسايب

بيض الله وجهك