[فيصل الدلوم]

،،
،


كـل عام يمرنـي وأنته عن عيوني بعيد
بالحزن..!؟ (أستقبله) و(أصافحه) و(أودعه)..!؟

××

وكل عام (أترجم أحساسي) من فراقك قصيد
وأقول ياليت القصيد اللي كتبته( تسمعه)

××

عل وعسى تشتاق لي .. والشوق في قلبك يزيد
لادريت أن الجروح بقلب (فيصل) موجعه..!!

××

ياكثر من قال (خله) والمحبه ماتفيد
وياكثر ماقلت (أحبه) من يجيه ويقنعه..!؟

××

علموه أني ذكرته بأول العام الجديد
تكفون من يقدر عقب ماغاب .. لي يرجعه

××

أشتاق له كثر أشتياق (الجد) لعناق (الحفيد)
وأتحمله كثر أحتمال (السد) موج ٍ يدفعه

××

وأحتاج له كثر أحتياج القلب دايم للوريد
وأنفعه مثل العشير اللي عشيره ينفعه

××

ذاب قلبي في غيابه مثل ماذاب الحديد
يوم ولعني وخلا نار قلبي مولعه

××

أشهد أنه مارحمني يوم خلاني وحيد
طاوعه قلبه يغيب .. وكيف قلبه طاوعه

××

ماسمعت .. ألا .. شطر .. ويحـّرك شعور البليد
(ضاقت الدنيا بشاعر طيب قلبه ضيعه)

××

آتمنــاه .. وأريـــده (والله يفعل مايريد)
وكان مكتوب الغياب..!؟ شحيلتي..؟ وكيف أمنعه..؟؟

××

علموه أني (فقدتــه) ياعسى عامه سعيد
وعلموه أن (القصايد) فـــي غيابــه تتبعـــه

××

كل عام يمرني .. يالأسف .. مامن جديد
بالحزن (أستقبله) و(أصافحه) و(أودعه)..!؟



،،
،



كـل عام وأنتوا بألـف خيـــر

الموضوع الأصلي: أستقبله؟؟ وأصافحـه؟؟ وأودعـه؟؟ | | الكاتب: فيصل الدلوم | | المصدر: شبكة بني عبس

[برق الوسم]

شاعرنا فيصل الدلوم
صح لسانك
قصيده رائعه من شاعر رائع
لاهنت .. تقبل مروري

[العبسي سبع]

صح لسانك يا بو ناصر

وقصيده رائعه وجزله

نبي جديدك يا فيصل لا تبخل علينا

[الهنوف]

فيصل الدلووم

صح لسانك ولاهنت
وفي انتظار جديدك
بالتوووفيق
.
.
.

[كاتب الرشيدي]

اخوي
فيصل

صح لسانك

وننتظر جديدك

[محمد الراشد]

برافووووووووووو يابطل

تحياتي لك