[جميل مساعد]

اليكم جديدي عسى أن يحوز على رضاكم ... النص بدون مقدمات ..

ياهاجسي ماهمني بعض الأشكال = أسمع كلامي وأقصر الصوت بشويش
موكب عظيم وصافي الوقت غربال = والجرح وقعه مثل وقع المناقيش
الظرف سري والمواني على جال = آمن ولكن رحلة التيه والطيش
الغش والحيلات من طبع الأنذال = والمصلحه قانونها يرخص العيش
يرضى من اللي لاهرج هرجته طال = نفسه رفيعه مانظر للعراميش
روحه وجيه والمعاني على فال = واللي يعاندنا يبشًر بتهميش
ماكل صدرٍ يحتمل ضيقة البال = ولاكل علمٍ يحتمل كل تغشيش
السيف الأجرد موقفي لاذن بلال = راسٍ يقصه مايعوًد ولايعيش
بفراقهم تسلم من القيل والقال = رحله طويله لا لفتك المطاريش
طبع ابدويٍ ماحسبها بالأموال = حرٍ عن الزلات يكفخ بلا ريش
ماقد تنازل عن سلومه ولامال = باقي على عادات ربعٍ نواحيش
تشتاقله رووس الطويلات بالحال = شوق الهواوي للعيون المراميش
واللي حصل كله على شان مايقال = شاعر وحاصله من الشعر بخشيش
يوم المراجل جالها اليوم رجال =يمزح معانا يحسبًنا دراويش
وأفنيت عمري ماشكيتك يالأحوال = صابر وقدري معتليبي ولانيش
وخصيت منهو يستحقون الاجلال = وأغضيت طرفي عن كلام الهلابيش
فنجال يجذبني اليا قيل فنجال = يعسف قصيد بجو مافيه تشويش
أنهيتها والآن يابث الأرسال = أستاذنك واللعب قفله على شيش

شعر : جميل مساعد كريعيط الرشيديِ

الموضوع الأصلي: الظرف سري .. جديدي اليكم | | الكاتب: جميل مساعد | | المصدر: شبكة بني عبس

[برق الوسم]

جميل مساعد
صح لسانك واعتلا شانك
قصيده رائعه لاهنت ...
تقبل تحياتي

[جميل مساعد]

مشكووووور يامشرفنا برق الوسم ولاهنت على مرورك .. تقبل أجمل التحايا وكل التقدير وافي ..

[ذيبان الرشيدي]

ماكل صـدرٍ يحتمـل ضيقـة البـال
ولاكل علـمٍ يحتمـل كـل تغشيـش

لله درك
نص رائغ ومتفرد

زاخر .. وفاخر

شُكراً
للجمالِ ياقلبْ ...!

دمت
بخير وعافيه

[سعد محمد]

صح لسانك علة هذا الابيات الجميله .

ولاهنت ياغالي ...

[كاتب الرشيدي]

كم أنت جميل يا جميل مساعد

بهذه الجميله

جمل الله حالك

امتعت بهذه الرائعة

رغم القافية إلا ن

كل بيت أجمل

من الذي أجمل منه

تقبل مروري
بهذه الكلمات المتواضعة امام


هذه الرائعة

[محمد الراشد]

الظرف سري والمواني علـى جـال

آمن ولكـن رحلـة التيـه والطيـش

الغش والحيلات من طبـع الأنـذال

والمصلحه قانونها يرخـص العيـش

يرضى من اللي لاهرج هرجته طال

نفسـه رفيعـه مانظـر للعراميـش

ترويض جميل وتناسق اروع وسلاله
جميل فعلا انت اسم على مسمى

[سعد عبدالله]

وخــصــيــت مــنــهــو يـسـتـحـقــون الاجـــــــلال

اخي جميل من يستحق الأجلال هنا هو حرفكـ وقلمكـ الذي لايوجد فرق بينه وبين اسمكـ
رغم صعوبة القاف
إلا انه لم يعجز شاعرنا بسرد الجمال والمعاني وتعدد ابيات القصيده
جميل
ياجميل الحرف
لاتكن بعيداً ويبتعد عنا جمال حرفكـ
شكررا لكـ ياكريم