[نايف بن شميلان]

(( الله يحييهم ))
===================

ياصاحبي بالصدر ضيف ومعازيب *** الله يحــيـيـهم ولا مــن كـــــلايف

الـيوم جـتنـي فكـره بـدون ترتيب *** فكره ســرت بالقلب والعقل خايف

قامت تودي بي هواجيس وتجيب *** حتى اصبحـوا عقـلي وقلبي ولايف

والسالفه دارت مابين الاصاحيب *** وكـلـن حمل همــه وصارت سوايف

واللي يشجعها بشذب العراقيب *** واللـي يقـول قــول ويش انت شايف

ماينتهي من عــلم والعــلم تكذيب *** لو طافـك امـس اليوم ماهـو بطايف

عليك عـــلم ومنك للعـــلم تهذيب *** وروحـك تمد الروح بأجمل طرايف

لو تستشير البنت ابوها على الطيب *** مـا كــان تلقى للـــــرديه طوايف

وحنا مانعـلم وش يخفي لنا الغيب *** لكن ترى الدنياء مع الهرج زايف

وحبيبتي لوتطلـــع الشمس وتغيب *** ويروح عمري مابقى للي حسايف

اخذت حقي مابها شك(ن) ولا ريب *** وعلنت بعده هجـرتي والنكايف

للحـــب في قلبي دلال(ن) مـزاهيب *** تروي ضماء آهات زين الوصايف

يوم انتبهت وشفت هالدرب به عيب *** صديت عنه وقلت تكرم يانايف

واليـــوم يارحـمن يا عــالم الـغــيب *** عفوك وغفرانك ذنوب وخفايف


الشاعر:نايف بن شميلان

الموضوع الأصلي: (((( الله يحييهم ولا من كلايف )))) | | الكاتب: نايف بن شميلان | | المصدر: شبكة بني عبس

[سالم الرشيدي]

صح السأأنك واعتلا شانك
جزله وااافيه
تسلم نايف
وننتظر جديدك بشوووق

[ذبحني غروركـ]

صح لسآآآآنك ولسآآن شاعرهاا
الله يسعدك
قصيدة في غاية الجماآآآآل

[نايف بن شميلان]

اقتباس من مشاركة سالم الرشيدي صح السأأنك واعتلا شانك جزله وااافيه تسلم نايف وننتظر جديدك بشوووق

صح بدنك وانت وافي ومرورك شرف



والجديد احسن ان شالله والف شكر لتواجدك هناء

[نايف بن شميلان]

اقتباس من مشاركة ذبحني غروركـ صح لسآآآآنك ولسآآن شاعرهاا الله يسعدك قصيدة في غاية الجماآآآآل

صح بدنك والقصيده لي واناء شاعرها


الله يحفظك شرفني مرورك والف شكر


لتواجدك في هذه الصفحه

[سلطان الغريب]

صح السااااااااانك مشكور اخي نايف ع البداع الرائع
(تقبل مروري )(سلطان الغريب)

[نايف بن شميلان]

اقتباس من مشاركة سلطان الغريب صح السااااااااانك مشكور اخي نايف ع البداع الرائع (تقبل مروري )(سلطان الغريب)

صح بدنك وانت وافي ومرورك شرف

[ابن فجوان]

وافيه من شاعر وافي صح لسانك ودمت بسعادة

تقبل مروري