[مشعل الخياري]

عبدالله بن شايق
انت يالعير راسك فيه دورة فلك = الله انه يزيد العافيه عافيه
ودنا ودنا نرضيك ما نزعلك = صاخنه بارده والثالثه دافيه

عبدالله العير
الجمل حملته في غاربه مابرك = جعلها يال عاطف نعمتٍ ضافيه
طير قرناس طاح العصر وسط الشبك = يحسبٍ الليالي كلها صافيه

عبدالله بن شايق
عطني اذنك تعال اشاورك واسئلك = والاشاره تراها بيننا كافيه
حاسب النفس قبل الموت ويش اعملك = ليش نارك تشب وجمرتك طافيه

عبدالله العير
انت عذروبك انك في رفيقك تشك = اكثر الوقت ما ترقد عن اللافيه
المطيري سلك والعاطفي ما سلك = من نظر قدم وجهه ينظر اخلافيه


عبدالله بن شايق
منزلي منزلي وانت اتعرف منزلك - روحنا تستقر وروحكم نافيه
المطيري هلك والعاطفي ما هلك = ارفع الرمي يابو طلقتٍ هافيه

عبدالله العير
ياحصان ال عاطف فارقتك الرمك = نحسب انك حصانٍ زين وسنافيه
لو اب احط راسي وسط حبل الدرك = رحت يابن الحلال ارباع وانصافيه


عبدالله بن شايق
ياحصان البدو ومطير ما نجهلك = انت في مصر مثل احصان الاريافيه
انت ياعبدلي والله ما اجي عبد لك = واجبك راس رمحي بين الانجافيه

منقووووووول

الموضوع الأصلي: محاورة الشاعر المرحوم الكبير عبدالله العير والشاعر الكبير عبدالله بن شايق | | الكاتب: مشعل الخياري | | المصدر: شبكة بني عبس

[ناصر الخياري]

تسلم وعيدك مبارك يابو دخيل ..
عيديه طيبه ..