[ذبحني غروركـ]

الحبيب اللي ذلوله عيني وقلبي زهابه .. طاح من ظهر الذلول ولاجبر خاطر حبيبه
واستوى لليل ميقافي ولبسني ثيابه .. و استوى للرجم مشرافي وجر عواه ذيبه

حسبي الله ربي وربه على قوة مصابه .. ماحسب للعاقبه من غيبته ربي حسيبه

ياوجودي كل ما اذكر وقفتي قدام بابه .. وجد من وقف على ذكرى شبابه في مشيبه
وياوجودي كل ما اذكر كلمةٍ جت من عذابه .. وجد من مسّي بخير وصبّح الصبح بمصيبه

كنت اشوفه شاغل احساسي وماليني صبابه .. كنت اشوفه في عيوني ثامن السبع العجيبه
ماطلبت الاّ رضاه ولا رضيت الاّ عتابه .. مارويت الاّ ضماه ولا ضميت الاّ لهيبه

قال: ودي بالسحابه بس يابعد السحابه .. قلت: ما تكفي عيوني غيث وظلال وقريبه
قال: ودي بالربيع اللي تعشب في ترابه .. قلت: الارض اللي تخيل اقدامك تعود عشيبه

قال: انا اسمع عن لبن عصفور واحتاج لشرابه .. قلت:لو هي صدق جبت الك (اللبن يردف حليبه)
قال:ياطيب القصيد اللي سعد جدلان جابه .. قلت له: حرك هجوس كلاش وانت تشوف طيبه

حطني بين احتمال اعيش في ذمة عذابه .. واحتمال احط عمري عند بابه والمصيبه
كل هذا صار لي مثل السؤال بلا اجابه .. الله اعلم وش نصيبي والله اعلم وش نصيبه

الموضوع الأصلي: الحبيب اللي ذلوله عيني وقلبي زهابه .. طاح من ظهر الذلول ولاجبر خاطر حبيبه | | الكاتب: ذبحني غروركـ | | المصدر: شبكة بني عبس

[عبد العزيز]

الله عليك اختيار متميز

شكراً لك .

[النمر1012]

صح اللسانج وعتلا شانج ويعطيج العافيه وتقبلي مروري

[كاتب الرشيدي]

الله الله على هالرائعة

بوحك مشاعر من شعر
وصح لسانك

لي عودة

[ذبحني غروركـ]

منورين الله يسعدكم ويرضى عليكم

[شداد المظيبري]

صح لسانه
أبيات وقصيده راااائعه
يسلمو ذبحني غرورك ع الاختيار الرااائع

[بدر حيي]

صح لسانك وأعتلا شأنك
قصيده جزله

[برق الوسم]

صح لسان شاعرها وناقلها
واسمحي لي ع نقلها بالمكان المناسب
تقبلي مروري