[عويض بن شامان بن خلف]

الله يالدنياااااااا

في يوم من الأيام كنّا نستغرب من الأخوة في مصر ومعاناتهم مع اللحمة....والشقة ...والجمعية...والزواج...

اليوم صار البعض منّا يعاني من نفس المشكله

فأصبحت اللحمة عزيزة....وتبدلت بالدجاج المجمد...

والشقة صارت هم وغم توفر وتجمع عشان الإيجار...

والجمعية.........الله يالدنيا....صار بعض السعوديين يعلمون جمعية.....

والزواج صاااااار كثير من الشباب يأخر الزواج عشان يبني مستقبله.. وأكون نفسي .( على طاري البناء ترى ما يكلف بس الأرض هي إللي صارت تكلف :biggrin23[1])

ياخرااااااااااااشي ياخرااااااااااااشي ...ياناصر الجوهر

يااااااااا لهوي يالهوي يالهوي.....


الله يستر بعد لا تصير هالعبارات من ثقافتنا.....

بس وش المشكلة من أوصلنا لهذه الحالة ؟؟

في تصوري إن



بس مدري وش صاااااااار...

ظنكم وش صار؟؟

كان الريال يتكلم ويسكت الجميع

كان الريال في صدر المجلس....

كان الريال إذا حضر فزوا له باقي العملات....

كان الريال له قيمة

ألحين لا مهابة ولا قوة ولا صيت....إلا في الحج....لا وبعد عند المصريين...الظاهر...

ألحين الريال إذا تكلم ....الجميع يقاطعه ولا يعطيه وجه....

ألحين صار الريال في طرف المجلس...

ألحين الريال إذا حضر قالوا له العملات ( وش تبي انقلع يله )...

ألحين قيمته عديمه

ألحين الريال حقنا سلتوح ملحط.....

يجب أن يعتز الريال عشان يعتز الاقتصاد وترخص الأسعار....ونشتري لحمه...مهب دجاج سوق عتيقه...

والمصيبة إن كل شيءارتفع والريال ينزل....

العقار ارتفع والريال ينزل

الإيجار يرتفع والريال يدحدر....

البضائع وخاصة المستوردة ترتفع والريال يجي على خشته....

أصبح ريالنا مثل اليتيم على مائدة اللئام....

أصبح ريالنا....مثل ولد االشغالة زي ما يقولون....

أصبح ريالنا مثل البطة السوداء

حتى فريق ريال مدريد...صاااار كلن يلزخه......انكب عشان اسمه يبدأ برياااااال

حتى الكويتيين.....صاروا ما يسمون الرجل ( ريااال ) عشان ما يقللون من قيمته...

ريالنا يبغى له اشتراك....أو نتش ....تخيل عاد...جالسين ندف الريال.....يااااااله انتش....انتيش....

(( إللي مايعرفون النتش ) هي دفع السيارة من الخلف للامام أو العكس حسب الطلعة...إذا كانت خربانه....يعني يفضي الموتر....ويدفون الباقية...وراعي السيارة طبعا ما يدف عشانه سيارته...يخلي العشتاويه...يدفون...بعدين....يعطيه نمره

إللي مايعرفون ( النمرة ) مهب النمرة زوجة النمر...

يعني يعشق القير بواحد...عشان تشتغل...

إللي مايعرفون يعشق....أقوووووول طولته...

المهم مالكم في الرياله قصدي الطويلة....

الريال يجب أن ينتهض ويفز مثل فزة الكريم...بضيوفه...

إللي مايعرف ( يفز ) أقوووووول تراك طولتها عاااااد

الريال ...مشكلته إنه لزقه بنت سعيد ...لازق في الدولار....

يذكرني بواحد عندنا لزقه...أي مكان نبغى نرووووح له ..لازق فينا...

يذكرني بخوي الصغير ذيك الأيام كنا عند ما نروح نتمشى في الأسوق والحواري...ولازق لي لزقه.....الله لا يوريك....فشلني أشغلني ما خلني أشوف شي أو أسولف مع أصدقاني


كني اتخيل الدولار يلتفت على الرياااااااال....يخوي أنت وش تبي يخوي فكني من شرك...ياحوووول يخوي رح عني ...رح في طريقك وأنا في طريق ....


اعتبرني أي واحد مر صدفه في طريقك...


نغى نأكل لحمه....علك اللخمة ...يادولار...

أول مير ما نعرف الدولار كنّا نمسه دورار....ألحين أبد حتى العجز يعرفون اسمه

نغى نأكل لحمه....عليك اللخمة ...يادولار...

نصيحة لحد يتوهق ويشتري تيس باكستاني ترى عليه إزخمه...

إللي مايعرف إزخمه هي : ريحة غريبة...مدري وشي...شكله ريحة دولار منتهي مدته...

عودا على بدء :

إللي مايعرف عودا على بدء يعني نرجع لأول شيء في الموضوع...

الله يالدنيا.....

على طاري العود....

ياوجودي ياوجودي على الريالي......وجدي عودن لا عيال ولا قرابه...

مع الرياله...قصدي مع السلامه...

الموضوع الأصلي: ريال | | الكاتب: عويض بن شامان بن خلف | | المصدر: شبكة بني عبس

[سند الداموك]

هلابك أبو رامي ومشكور على موضوعك
ولانملك سوى كلمة قاام الله في العووون ونذكر قصص الاجداد في الماضي عندما يحكون لنا قصصهم في الماضي مع الريال عندما كان له قيمه يستطيع ان يشري به طعام اسبوع او شهر ربما
ولكن الان والله تدخل السوبر ماركت 500 ريال وتطلع بدون شئ وبمستلزمات لاتكفي ليومين قام الله في العون
ولانملك سوى التحكم في ريالنا وتحمل غلاء المعيشه والازمات الماليه لها دور ايضا
ولاكن يبقى الامل في مشروع العمله الخليجيه الموحده لعل وعسى يصلح الرب الاحوال

تحيااااااااااااتي

[أمـــير بـكلمتي]

اخوي العزيز عويض يعطيك العافيه على هذا الموضوع الجميل الهادف

لا زيد على اخي العزيز سند بشي فقال وكفى لكن لابد ان نضيف

في زمننا هذا مامعك ريال ماتسوى ريال ,صار مثل يداوله الكثير من

البشر .

اخي صعبة المعيشه اليوم وكل شي في ازدياد في الاسعار ولا نقول الا

كان الله في عون من لايجد راتبا صعب كل شي السلع والزواج ......الخ

ويعلم الله انك تدخل السوبر ماركت معك خمس مائه وليس ريال تصرفها

بشي لا يسوا خمسون ريال في زمننا السابق ..؟

كان الله في عوننا هذا كل مالدي وتحياتي لك اخي عويض

[كبرياء امراة]

اخي العزيز،،
موضوع جميل,,والاخوان ماااقصرو الله يعطيهم العاااافيه’’
البشر ماهم مثل بعض,,مختلفين,,هذا مسرف,,عباااله للاسف النعمه مو زواله,,
والبعض سبحااان الله حاااس وعاااف قيمة الفلوس وعقولة,,اخوانا المصريين,,خبي الائرش الابيص ليومك الاسود,,
بشر غررريبه,,
ولكن الافضل,,الدعاء,,الاستغفار,,التصدق,,
هذي الاتيسرلك كل خير,,
لخيرآ,,
تفبل عاااطر تحياااتي