[هاوي شعر]

تنسيق المحاوره التي جرت بينى وبين الشاعر المبدع الكبير المحيط الهادي امل ان تنال اعجابكم


هاوي شعر
كان المحيط الهادي قريب نبى منه العلوم
عسى العلوم اللي بصدري مايقفل بابها
وانا من احداث الليالي ياهل العرف مهموم
بعض المشاكل ياجماعه ماعرفنا اسبابها
المحيط الهادي
أنا قريب منك لامنك تجاوزت الغيوم

واليا نزلت الارض يذري بالعيون ترابها

اليا كبر همك ترا الدنيا ياهاوي ماتدوم

والشجرة أم الداب فارقها وفارق دابها
هاوي شعر


حنا نظرنا فوق مابين الثرياء والنجوم
لكن تراء بعض الجمال اليوم عوج ارقابها

دنياء تقلب ياصحيبي بين ليل وبين يوم
عجزت اميز صادق العربان من كذابها

المحيط الهادي
عوجة رقاب البل قديمه فالرياض وفالجموم
لكن ترا بعض ا للحى قامت تخون أشنابه

أنا سمعت أن الامير اللي معه عشرة ختوم
جازه وزير الداخلية وأعتلا محرابها
هاوي شعر

حنا على حسب المبادي فالمواقف والسلوم
واهل الوفاء مهما حصل توفي حقوق اصحابها
هذي تراها كارثه مابه دفاع ولا هجوم
الخيل من خيالها والنار من شبابها

الميحط الهادي




الله يجمل حالكم .. شجعان مافيكم رخوم
حنا نعرف اللي تحوش الرزق في مخلابها
أهل الحفر ماعمرها عدت على روس الرجوم
متعوده دايم تدس الروس تحت ثيابها
هاوي شعر



لا ياوجود يالرجال اللي تفسر للحلوم
عشرين عام اكثر عباد الله تعن اركابها
الحر يبقى باعالي المرقاب مير البوم بوم
مير الخطيه ياصحيبي ماحد" يرضابها
المحيط الهادي
مات النميري .. والبشير يقوم والا مايقوم
عشرين عام يصارع الفتنه ولايصحابها
أنا بخير ولا عليه منك يا أطوال الزقوم
الروس جنب الروس .. والاذناب عند أذنابها

الموضوع الأصلي: تنسيق محاوره هاوي شعر والشاعر المبدع الكبير المحيط الهادي | | الكاتب: هاوي شعر | | المصدر: شبكة بني عبس

[المحيط الهادي]

ماهي غريبه على هاوي مواقيفه
عز الله أنه يشرف منتدى القلطه


ماهو كما اللي مكسرة مجاديفه
ومن الجهل يحسبنه راعي السلطه


وأنا محمد ليا منه شهر سيفه
ياكثر ناس تقل بجنوبها جلطه

[العالم الفلكي]

صحت السنتكم

شكراً على التنسيق

[ناصر خنيفر]

شكرا على التنسيق وشكر الشعار

[هاوي شعر]

اقتباس من مشاركة المحيط الهادي ماهي غريبه على هاوي مواقيفه عز الله أنه يشرف منتدى القلطه ماهو كما اللي مكسرة مجاديفه ومن الجهل يحسبنه راعي السلطه وأنا محمد ليا منه شهر سيفه ياكثر ناس تقل بجنوبها جلطه

صــــــــــــح الٍٍٍٍـســــــــــــــانـــــــــك عــلـــى القــصــيــده الــجـمـيــله وتــقـــبــل ســــلامـــي وتـــحيـــاتــــي لـــك وابــــرك الــساعات الــي تـــعرفــنا فــي هذا المـــنتدى على ناس شرواك وفــــقك الـــباري

[مالك الصامل]

صح السنتهم على هذا الابداع شعراء مافيكم كلام ..

[هاوي شعر]

المحيط الهادي العالم الفلكي العمده مالك الصامل مروركم يسعدني شكرا لكم

[ابوزيـــد]

مشكورين محاوره مليانه بالمعنى وتحيه خاصه للمحيط الهادي ابوزيــــــــــــــد مبارك