[الغريب*]

محاورة قويه بين عيد مربح وناصرمرسال
بداها الشاعر ناصرمرسال بهجوم على عيد
وليكم محاورة العمالقه@

ناصرمرسال

القدر بالصدر لكن عيد لازم يقوم = ون قام له ليلتن لون الكحل لونها
ياعيد عزز دفاعك يوم جاك الهجوم = الله يعينك على ليلى ومجنونها

عيد مربح

اصبر ياراسي على برد الشتى والسموم = لين السباع الضواري ترخي عيونها
انا مفسر حلوم اللي بلش بالحلوم = وأيات سلفه مرجعتن بماعونها

ناصرمرسال

لاتحسب ان الجبل ياعيد مثل الرجوم = لازم تعرف الجبال وتعرف اركونها
وقتن مضالك قمر واليوم مثل النجوم = هذي نجوم السماء وانتم تشوفونها

عيد مربح

ياناصر اصبر عليّه جعل راسك يدوم = لاتصير مثل الخبول اللي يدزونها
انت متعافي لكن العافيه ماتدوم = ورد علومي على ناسن يعرفونها

ناصرمرسال

خصمك يعرف القروم ومن خيار القروم = واللي بسد الخبول يحول من دونها
العافيه يابن مربح من عزيزن رحوم = والعافيه كان جتنا ماتردونها

عيد مربح

حنا عرب والعرب تحكم عليها السلوم = وايات طلبه تخلصها بقانونها
خلك معي واقعي لاعل راسك يدوم = مافيه داعي نولع راس غليونها

ناصرمرسال

تقول لي علم مير الناس قالت علوم = ماتكشفون الخطايا يوم تخطونها
يالواقعي لاتجد التمر والتمر دوم = والسالفه لاتعدت لاتعيدونها


عيد


الناس من طاعهم بكره يشق الهدوم = اما الصراحه صراحه لاتلفونها
انا اعرفك من رجال ن يحتمون الردوم = مير الوجيه الفليحه لاتخسرونها

ناصر
ياعيد بينك وبين الحق حالت غيوم = ويديك حضر لها ماها وصابونها
ماقول فيكم قصور الى وصلنا اللزوم = والناس لو نشدتكم لاتلومنها


عيد


ياطير ياطير اللي بالخضيراء تحوم = اهل طيور السماء وشلون يدعونها
وشلون ترزق وهالشايب يروح محروم = ياهل اللذمم علموني كيف ترضونها


ناصر

ياعيد بعض الطيور احرار والبعض بوم = مانلتفت للطيور الا تسمونها
انته تطوف الحرم مير البلا ماتصوم = وقالولك ان البقر حجت على قرونها


عيد

الشك مايوقع الا في قلوب الرخوم = وانتم ماياجب بهشكه تشكونها
لولى المعزه ترانا مانحب الخشوم = انا محاسب واحاسبها على شونها


ناصر

ياعيد قلبي عن الشكه عزومن جزوم = والصبح جيبو جريتها وتقرونها
انا محشومن عن الغلطات وانت محشوم = وكم نفس لولى المعزه باح مكنونها

الموضوع الأصلي: ناصرمرسال يهاجم عيد مربح | | الكاتب: الغريب* | | المصدر: شبكة بني عبس

[المميز]

مشكور يالغريب على النقل الرائع
وننتضر جديدكـــــــــــــــــــــــــــــــــ
وتقبل تحياتي

[الغريب*]

المميز
انت مميز على اسمك مشكور على الرد الجميل وردودك على مواضيعي تزيدني حماس لاهنت يالغالي

[المميز]

يالغريب بصراحه انت المميز بمواضيعك
وبصراحه انا من المعجبين بعميد الشعراء
والله يوفقك

[منصور غنيمان]

مشكور يالغريب على النقل الرائع
وننتضر جديدكـــــــــــــــــــــــــــــــــ
وتقبل تحياتي

[(فارس الرشيدي)]

مشكور يالغريب على النقل الرائع
وننتضر جديدكـــــــــــــــــــــــــــــــــ
وتقبل تحياتي

[عبدالرحمن البراك]

بيض الله وجهك يالغريب على هالنقل الجميل

وهذه المحاوره الرائعه


تسلم

[صقر ابن عبس]

مشكور يالغريب على النقل الرائع
وننتضر جديدكـــــــــــــــــــــــــــــــــ
وتقبل تحياتي