[رشيد]

بس ... ياظل (ن) تساورني شكوك وماعرفتك
*** جيتني من زورق العتمه ومن صوت المنافي

جيت مثل الدم تسري في عروقي واكتنفتك
*** قلت ازفك في ظلال اسمي واعطرك السوافي

واكتشفتك .. كيف .؟ مدري ..! بس ياظل اكتشفتك
*** ثم هذبتك .. ورتبتك .. وصرت من اكتشافي

وابتديت احيا بحب اسمك ورسمك يوم شفتك
*** مثل ماشفت السنا.. والبرق والحلم الخرافي

واحترفت الصمت والتفكير لجلك واحترفتك
*** لين .. مليت احتراف الصمت واشعلت انحرافي

انحرافي كان ضد الهدم يعني .. لو وصفتك
*** منحرف ضد البنا .. ياظل .. يعني باختلافي

انت منهو.؟ كيف جيت.؟ وكيف عديتك وطفتك.؟
*** كيف ابرر للسنين .. اني عجزت ادرك مطـافي

رغم جهلي بك .. وكرهي لك .. ورغم اني جرفتك
*** الا انك لاتزال تمر في بال القوافي ......

شد ... وارحل ... لايبلغك القصيد اني نسفتك
*** مثل ماتنسف رياح الغرب ... ديدان المرافي

وان صدفتك .. صد عني واعتبرني ماصدفتك
*** واعتبر دربك لضى .. واشواك .. والتفكير حافي

ليت لي فكه من المنفى .. وهجر الناس .. وافتك
*** كان ماشفت الوجع ياظل يستعمر ... شغافي

باختصار .. ان صرت لي منبر وانا المتعب وقفتك
*** خذ كلام .. وعلق الكلمه سما والهرج وافي ..

انصرافي والحضور يشد قلبي من عرفتك
*** وانتهيت وصرت ماتسوى حضوري وانصرافي

اعترف لك .. مثل ماللناس ياظل اعترفتك
*** وانت سجل .. لا بغيت تسجل اسمي واعترافي

انت ذنب .. ولهفتي فاجر .. وانا جيت اقترفتك
*** (( معصيه )) وابليس هربها من انفاق المنافي .


صوت المنافي
========
عبدالله سعـيد

الموضوع الأصلي: صـوت الـمـنـافـي | | الكاتب: رشيد | | المصدر: شبكة بني عبس

[sona]

روعه ماكتب في هذه الابيات

لك الشكر على النقل

[رشيد]

روعه ماكتب في هذه الابيات لك الشكر على النقل

لكي شكري وتحياتي

[سعد بن عادي]

قصيده من أروع ماقريت تستحق الاشاده بيض الله وجهك يارشيد

وصح لسانك ولسان شاعرها

[رشيد]

قصيده من أروع ماقريت تستحق الاشاده بيض الله وجهك يارشيد وصح لسانك ولسان شاعرها

وجهك وروحك ابيض
يالغالي