[بشير الزبني]

لكم :

من رواي الفكره على اوراقي = كن البيوت تحضر مندانه ..
الشعر مبدا مثل الاخلاقي = قل للشموخ يصحح السانه !
دوافعه شدت عظم ساقي = والعذر للي يجرح .. ميانه
لو حدني للبوح فــ اعماقي = للجرح والأسرار زنزانه
لابداع يبقى مصدر ارهاقي = على كثر ماتطرق اوزانه .
ترعى نبات البكّر نياقي = ولا تشرب إلا نقع غدرانه
انا .. هنا لو مابقى باقي = راسي شموخ طويق عنوانه
لو قلت : للاصحاب مشتاقي = وتعيش في كنف اضلعي .. دانه
أن جاتني للوصل سباقي = وإن روحت مرواح جولانه
تراي لا مرغم ولا هاقي = إلا انها : نظره ومليانه !
الباب هذا عنه الأشواقي = والحبر والقرطاس واسمانه
بضاعةٍ في كل الأسواقي = من يد غشيم لناس خربانه
هذي ماأعرضّها للاذواقي = إن جددوا للحرف .. ديوانه
قناعةٍ للشاعر الراقي = ردة فعل تحسب لوجدانه
من مكرمة هجسي على اوراقي = والشعر مثل الذنب عصيانه
عذراً على التأخير ... عشاقي = وألفين شكر لـــ صدر ( سلطانه ))

الموضوع الأصلي: ( << نياقي >>) | | الكاتب: بشير الزبني | | المصدر: شبكة بني عبس

[العميل السري]

هلابك الشاعر الراقي
بيض الله وجهك
على كل حرف من ماكتبت
لــو حـدنــي لـلـبـوح فـاعـمـاقـي = = لــلــجــرح والأســــــرار زنـــزانـــه
===============رهيب

[عبدالله المظهور]

نعم .. رهيب ايها البشير الشعري .
قصيده ثقيله بما فيها من مفردات شعريه صادره من فكر مثقف.

يالهذه الكثافه الشعريه الهائله بداخل هذا يا .. (( بشير )) .

صح لسانك .. ودمت كما انت مبدعاً

تقبل تحياتي وتقديري واحترامي

[مـآجـد]

انا .. هنـا لـو مابقـى باقـي**راسي شمـوخ طويـق عنوانـه

كفوا والله
يسلم راسكـ وصح الله لسانكـ إبداع بكل ماتحمله الكلمه

تحياتي وتقبل مروري

[أمـــير بـكلمتي]

بشير راقي والله راقي
وشاعر الله يعافيك

[كاتب الرشيدي]

اخوي بشير



صح لسانك على هالقصيدة الرائعة


ولي عوده



تحياتي

[بشير الزبني]

اقتباس من مشاركة العميل السري هلابك الشاعر الراقي بيض الله وجهك على كل حرف من ماكتبت لــو حـدنــي لـلـبـوح فـاعـمـاقـي = = لــلــجــرح والأســــــرار زنـــزانـــه ===============رهيب

رهيب هذا المرور الرائع
بياض وجه

وتحياتي لكــ

[ناصر محياء]

صح السانك

قصيدة من اجمل ماكتب

شاعر مبدع تملك جميع اغراض الشعر

تقبل مروري