[دايم العز]

احبتي بهذا المنتدى الشامخ تحضرني تلك القصيده الراائعه

وهي للشاعر/ سعود عبدالله القلادي

بعنوان ((( فرااااق المحبين )))

اتمنى تنال ولو بالقليل على اعجابكم

،،،،
،،،
،،
،
فــراق المحبين !!!

حل الفراق اللي منه كنت خايف=وقنعت باللي صار بينه وبيني
قال الوداع وقلت مامن حسايف=راح وعرف تأثير صده بعيني
خلاص يابحر الفرح صرت طايف=وطاحت مجاديف الوصل من يديني
والقلب فاتح للهموم الوظايف=وبداء يسجل (((هـم)))خمسة سنيني
والهم والحرمان صارو ولايف=وكلن على باب الحزن يحتريني
الحال تعبانه مثل ماانت شايف=من الفراق اللي سهومه تجيني
والقلب من صد المحبين عايف=يقول جرحك صار مني وفيني
نويت ابعلن بالورق والصحايف=ان المحبه دربها مايبيني
لازم نداريها بفعل الكلايف=ونصبر عليها لين ربك يعيني
بحر المحبه بيننا صار زايف=وطاحت مجاديف((( الأمــل ))) من يديني

تقديري للجميع

الشاعر/سعود عبدالله القلادي

الموضوع الأصلي: سعود القلادي ،،، وفراق المحبين!!! | | الكاتب: دايم العز | | المصدر: شبكة بني عبس

[العريض]

صح لسان الشاعر

لاهنت ع النقل الرائع

[المشعل]

بحـر المحبـه بيننـا صـار زايــف
وطاحت مجاديف((( الأمل ))) من يديني

ابيات رائعه وذائقه شعريه رائعه

صح السان شاعرها وصح ذوقك واختيارك
لاهنت دايم العز على النقل الرائع

تحياتي لك

[دايم العز]

اقتباس من مشاركة العريض صح لسان الشاعر لاهنت ع النقل الرائع

صح بدنك يالعريض وبيض الله وجهك على هالمرور

اسعدني تواجدك

تحياتي وتقديري لك

[دايم العز]

اقتباس من مشاركة المشعل بحـر المحبـه بيننـا صـار زايــف وطاحت مجاديف((( الأمل ))) من يديني ابيات رائعه وذائقه شعريه رائعه صح السان شاعرها وصح ذوقك واختيارك لاهنت دايم العز على النقل الرائع تحياتي لك

الأخ المشعل اسعدني حضورك الراائع وتسجيل اعجابك

صح بدنك يالغالي وبيض الله وجهك على كلامك الجميل

تحياتي وتقديري لك

دمت بكل ود واحترام