[أبن سيناء]

السلام عليكم ورحمة الله وبركاته :
مشرف واعضاء وقراء منتديات قبايل بني رشيد احب ان اشارك في قصيدة شعرية ابياتها تعبر عن موضوعها . آملا ان تحوز على رضاكم وان كانت هي المشاركة الاولي لي بالنسبة في مواضيع الشعر في هذا المنتدى الرايع. وإليكم القصيدة

سلام يارجلا على الدين والطيب= ياللي اخلاقك عاليا مستواها
عندي اعدك كاملا بالمواجيب= اخذتها في يمناك وانت اتحماها
يانسل عنودا صارما بالمضاريب= لاجاء نهارا فيه ضيقة فضاها
يارد ويشرب من خيار المشاريب= يومن بعض الناس تقصر رشاها
وقتا مضا بايام كون ومحاريب= يمشي على خرس الافاعي اوطاها
واليوم شفت الشاه في جانب الذيب= ترعى بامان ومنعمة في حماها
سادالامان بجاه من يعلم الغيب= وبجاه خلاق النجوم بسماها
ربا كريم وعالم الشك والريب= غافر ذنوب الخلق سامع نداها
وهب لها من جنب الظلم تجنيب= جمع شتات الشعب وابعد عناها
عبدالعزيز بحنكة الرأي ومصيب = زاح الجهل عن البلاد وبناها
وعم الرخاء من بعد شهب اللواهيب = وتبدلت عسر الليال برخاها
وساروا على نهجه رجال المكاسيب = هاك الصقور منومسة من رجاها
وطاب الكلام وزان نظم المكاتيب = عن بعض دورات الليال ورحاها
يابن دهيس وانت راع التجاريب = وش غير اخلاق العرب ويش جاها
وش غير الاجواد وش طلع الشيب = في عارض الطفل المدلل عساها
شهاب بارد يطلع شوي ويغيب = عن ديرة عشنا سنين قصراها
والرجل مايرخص رفيقه بلاعيب = اللي دروب الطيب قدمه مشاها
ماقل دل وزبدة القول ياصحيب= للناس غاية صعب يدرك رضاها

الموضوع الأصلي: وش غير الاجواد | | الكاتب: أبن سيناء | | المصدر: شبكة بني عبس

[معيوف ابن زهيميل]

صح لسانك ابن سيناء قصيدة جزله من شاعر جزل ، تحيات معيوف ابن زهيميل

[صالح سعود]

والرجل مايرخص رفيقه بلاعيـب
اللي دروب الطيب قدمـه مشاهـا

الاخ الغالي

ابن سيناء

قصيدة جزلة بالفعل ورائعة

من شاعر رائع

ننتظر منه الجديد المميز