[ثويمرالعجوني]

هذي القصيده قالها الشاعر/ ثويمر هديرس ثامرالعجوني الرشيدي
بالحفل الذي اقامه الشيخ / دهيم بن عبيد بن علوش البراك واخيه
الشيخ / فهد بن عبيد بن علوش البراك بمناسبة افتتاح ديوان الشيخ/
دهيم بمنزله الجديد بقرية الصخنه يوم السبت الموافق 4/10/1429هـ

سلام الله سـلام ٍ ماقصرتـه دون ذاك وذاك=سلام ٍ يشمل الضيفـان والحفـل ومعازيبـه
حضـوري فـي محـل الشيـخ ابـن بـراك=دهيم عبيد ابن علـوش ماضيـت ٍ تجاريبـه
يشرفني حضوري يادهيـم وتلبيـة دعـواك=ياشيخ ٍ صاعد ٍ للمجد فـي عالـي مراقيبـه
بعدها ياقصيدي لا ترداء يوم جيـت انخـاك=علـى مـدح الرجـال اللـي لهـم هيـبـه
انأ يادهيم لامنـه دعانـي مثلـك وشـرواك=حضرت وكل راعي عرف يعرف وش مواجيبه
ابارك لك على الديوان جعله عامـر ٍ بحمـاك=ياشيخ ٍ كل علم الطيب والنومـاس تحريبـه
اعرفك شيخ وبن شيوخ شعري والمدح يزهاك=وانأ والله ممـدح واحـد ٍ ماينعـرف طيبـه
وعرف انه خطاء لوقلت لامثلـك ولاحليـاك=ولاكـن والله انـك عـز ومثالـك نماريبـه
عسى الله يرحم اللي للمراجل والكـرم ربـاك=ابو عبيد ابن علـوش شيـخ الكـل يدريبـه
ولد راع البويضاء بالمعارك سقم عين اعداك=سقم عين المعادي لاكن انه ريـف لصحيبـه
ولاننسى فهد راع الفعـول حزامـك ويمنـاك=مطلعتـه فعولـه مايجيـه الشـك والريبـه
بعيد الشك عنـك يافهـد يبعـد ولاينصـاك=ياحر ٍ صيرمين كـل صيـده فـي مخاليبـه
اقول الصدق ماجامل ولاسمع هرجت النمـاك=اعرفه مايجيـب الاالكـلام الكـذب والغيبـه
وقليل الهرج يكفي عن كثيره والردي يفـداك=ياشيخ ٍ في قدوم الضيف يكثر فـي تراحيبـه
وختام القول ياربي طلبتك طاعتـك ورضـاك=بيوماً مايعرف الرجل وش يخطيـه ويصيبـه

الموضوع الأصلي: سلام الله سلام ٍ ماقصرته دون ذاك وذاك | | الكاتب: ثويمرالعجوني | | المصدر: شبكة بني عبس

[الاجهر]

سلام الله سـلام ٍ ماقصرتـه دون ذاك وذاك=سلام ٍ يشمل الضيفـان والحفـل ومعازيبـه

صح السانك قصيدة جزلة مافيها كلام بيض الله وجهك

[عويض بن شامان بن خلف]

صح اللسانك

[البعيد الهادي]

صح اللسااانك وتعلا شانك يا شاعرنا / ثويمر العجوني
وبيض الله وجهك على هذه الجزله
وعسى منزل الشيخ دهيم منزلاً مُبارك ان شاء الله
دمت بخير وصحه

[ثويمرالعجوني]

اخي الاجهر صح بدنك وبيض الله وجهك
يشرفني مرورك على موضوعي
تحياتي الخاصه لك يالاجهر

[ثويمرالعجوني]

اخوي عويض بن شامان بن خلف
صح لسانك

[ثويمرالعجوني]

الاخ العزيز البعيد الهادي
صح بدنك وبيض الله وجهك
يامرقبنا مشكور على حرصك
ونتباهك لبعض الاخطاء الوارده
بدون قصد من بعض الاعضاء
مثل خطاء الدعوه الذي تم تعديله مقبلك
مشكور مره اخراء يالبعيد الهادي