[عيد بن عبيد]

قصيدة لـ شاعر الجمهور احمد بن سلهود

اهداء بمناسبة فوز الفحل بويضان للمالك الشيخ فهد بن ناهس

عوايدك يا بويضان بالفوز والنوماس=ولا ترتضي لك مركزٍ غير بالاوّل
نفاخر بفوزك ونتباهى بوسط الناس=ونفخر بزولك بالمزاين ليا جوّل
نشارك بما نملك من المال والاحساس=ومع كل عبسي في مواقيفه مخوّل
بويضان طيبك طيب راعيك صلب الساس=شجاعٍ عريب جدود وعمام ومخوّل
طليق الحجاج الاشوس الزاهي الحساس=كريم اليمين الساطي الحر لاحوّل
فهد من فهود اهل البويضا صميدع راس=اخذ للفخر والعز بالفعل ماتسوّل
ولد ناهس اللي بالملاقى غلب جساس=يفوقه بفعل وذكر ما هرجٍ مقوّل
فهد ياسنام المجد يامعادي الافلاس=عدو الفقر يمناه في مدها تهوّل
عسى الله يمد بعمر من للعلا عساس=ويجعله ذخرٍ لاهل الطيب والاوّل
اقوله بمن جاب المراجل بدون اقياس=وهذي شهادة حق والحق ما يحوّل

الموضوع الأصلي: اهداء بمناسبة فوز الفحل بويضان للمالك الشيخ فهد بن ناهس | | الكاتب: عيد بن عبيد | | المصدر: شبكة بني عبس

[ولد عبس الرشيدي]

صح لسان شاعر الجمهور

وفهد بن ناهس يستاهل

[عبس404]

صح لسان شاعر الجمهور وبيض الله وجه على القصيده

والف مبروك لحفيد دليم على الفوز

[سالم المظيبري]

صح لسااان شاااعر الجمهور
وفهد بن ناهس يستاااهل
وشكرا من القلب للاخ \عيد بن عبيد
على النقل وبيض الله وجهك على هذا الجهد المبذوول

وتقبل مروري

[عويض بن شامان بن خلف]

صح لسااان شاااعر الجمهور
وفهد بن ناهس يستاااهل
وشكرا من القلب للاخ \عيد بن عبيد
على النقل وبيض الله وجهك على هذا الجهد المبذوول

[البعيد الهادي]

صح اللسااانك وتعلا شانك ياااا احمد
على هذه الجزله
ويستاااهل الشيخ / فهد بن نااااهس
وبيض الله وجهك ياااعيد بن عبيد
على هذا النقل وعوايدك الاخبااار الطيبه
دمت بخير وصحه

[منارة الذئاب]

صح لسان شاعر الجمهور وبيض الله وجه على القصيده

والف مبروك لحفيد دليم على الفوز

[الاجهر]

صح لسان شاعر الجمهور
والشيخ / فهد بن ناهس يستاهل