[محمد بن سلمان]

اسعد الله اوقاتكم بكل خير وايليكم مايلي

ياليل انـا لـي معـك عهـد ومواثيـقولولا العهد كـلٍ مشـى فـي سبيلـة

الياضويت ارقـا بـروس الشواهيـقشــم الجـبـال النايـفـات الطويـلـة

امثال سلسلـة السـراوات وطويـقصعبـه ولـكـن مـاهـي ابمستحيـلـة

بفروعها اقطف من زهور الزماليقالـلـي تـوصــف للـكـبـود العلـيـلـة

اللـي عليهـا المـرزمـات البـواريـقتـهـل كــل الـوسـم يـومـه ولـيـلـة

من شان وافين الشبـور المطاليـقاهـل المواقـف مسرجيـن الكحيلـة

اللـي تميـز بيـن مــرزوق ورزيــقولايجـرمـون المتـهـم مــع زميـلـة

اتعب واعاني واسهر الليل واضيـقولاارضى يجي بين الاصايـل دخيلـة

والشعر وزن ومفـردات وطواريـقاحـدٍ يشيـل الشعـر واحــدٍ يشيـلـة

يـا راكـب اللـي مابقيـره تعاشـيـقفــي عـامـه الاول جـديـدٍ مـديـلـة

لونـه يشابـه لـون ريـش الغرانـيـقالبـازعـي بالمملـكـه هـــو وكـيـلـة

عن بسمة الحاسد وهرج المطافيقلعقـة عـسـل بكبـودهـم حنضليـلـة

عطوه لكن ماهي بعطـوة مخاليـقعطـيـةٍ مــن عـنـد راع الفضـيـلـة

الـلـي لياصـكـت علـيـك الغوالـيـقمافـيـه غـيــره واحـــدٍ تشتكـيـلـة

مسراه وفقـه مـن خيـار التوافيـقمــع ديــرةٍ فيـهـا يضـيـع الدلـيـلـة

دارٍ علـيـهـا خـافـقـي والمعـالـيـقخليـل فـي لحضـة مــوادع خليـلـة

يـادار كــان الـكـل دارٍ عشاشـيـقعـزالله انـك عنـدي اجمـل جميلـة

لكـن اطيـق ونـوب يـادار ماطـيـقمـن نظرتـك يـاام العيـون الكحيلـة

نظـرة عيونـك ياغـلا تنشـف الريـقبـيـن الحـصـون البالـيـه والنثـيـلـة

فهمت مـن نظـرة وسـاعٍ محاديـقوصمت الشفايف واكتراث الجديلة

عـن ماتكنيـنـه بـوسـط الصنـاديـقعلـى فـراق اغـلا زمــان وفصيـلـة

نتـائـج الـواقـع بــدة دون تحـقـيـقفيهـا علامـات الـرضـى مستحيـلـة

علـى محيـا الـلـي كنفـهـا تفافـيـقوخيل وقنـا ورهـاف علـطٍ صقيلـة

يوم الزمان اللـي يصافـق تصافيـقلهـم سـرايـا مــع سـرايـا القبيـلـة

يــادار كــلٍ ذم وقـــت التـفـاريـقوكلٍ خـذا مـن ميلـة الوقـت ميلـة

لـكـن جــل المـرزمـات الدوالـيـقتنهـل مـن فوقـك مخيـلـة مخيـلـة

محمد سلمان

وسلامة الجميع

الموضوع الأصلي: ( زهور الوســـــــــــــــــم) | | الكاتب: محمد بن سلمان | | المصدر: شبكة بني عبس

[برق الوسم]

شاعرنا محمد سلمان صح لسانك قصيده رائعه لاهنت وتقبل مروري

[جميل مساعد]

بيض الله وجهك ...تحياتي

[عبدالله المظهور]

محمد سلمان الوهيداني
شااااعر .. الشعر
لله درك على هذه الشامخه
قصيده في منتهى الجمال والرقه
استمتعت كثيراً بمقدمتها وعشت معها جواً اااااااااااااخر
صح لسانك ايها الشااااعر المبدع
تقبل اعجابي
وتقبل تحياتي وتقديري .

[هاني العرعري]

الله عليك شاعر بمعنى الكلمه

لا يختلف عليك اثنان لله درك


استمتعت بقرائتها تقبل مروري

[راعي شهاب]

صح لسانك وبيض الله وجهك

قصيده شامخه بشموخ صاحبها

سجل اعجابي ومتابعتي

وتقبل تحياتي وتقديري

[محمد بن سلمان]

اقتباس من مشاركة برق الوسم شاعرنا محمد سلمان صح لسانك قصيده رائعه لاهنت وتقبل مروري

صح بدنك لاهنت اشكرك على المرور المشرف لاهنت يابرق الوسم

تقبل سلامي

[ابن نملان]

صح السانك لاهنت