[ولد عبس الزبني"]

ياملّ عيـنٍ يعـلّ الجيـب ذارفهـا اربع وعشرين ساعه تهجل اهجالي


والنوم يا دحيـم عايفتـه وعايفهـا دارت سنتها على سِهْـر وتملاّلـي


مدري على النوم عيني وش مكلّفها لسِهْر في نونها ممسـى ومقيالـي


واللي جعل نوم عيني مـا يوالفهـا واهج لهيب الغرام اللي برى حالي


واحالي اللي حرور الشوق ناحفها مابـاقٍ الاّ عظـامٍ جسمهـا بالـي


عليك ياللي غلاك الـروح متلفهـا ياللي محلّك بوسط القلـب نزّالـي


غلاك نفسي عن الخفرات صارفها لو يجمعن لي من اولهن الى التالي


لك سيرةٍ بالمحبّه ما اقـدر اخلفهـا لو هي سبايب سهر عيني وغربالي


الاّ رجا ساعةٍ ما اقضي حسايفهـا والاّ على السنّه السمحـا تهيّالـي


رجعت للسالفه واحييـت سالفهـا اللي يقولونها في ماض الاجيالـي


اللي سبب موت ضيف جديع ماقفها حيث ان ذبّاح ضيف جديع يبرى لي

لشاعر ابن عون الرويس

الموضوع الأصلي: يامل عينن يهل الدمع ذارفها | | الكاتب: ولد عبس الزبني" | | المصدر: شبكة بني عبس

[عيون مؤمنة]

صح لسانك ولسان الشاعر ومشكور على النقل

[البااارونه]

صح اللسان شاعرها

وتسلم يدين ناقلها

يعطيك العافيه على القصيده اخوي ولد عبس الزبني

[عبله العبسيه]

صح لساااانك ولسان شاعرها
وتسلم علي النقل
تقبل مروري

[شداد المظيبري]

صح لسانه

ابيات رائعه


ولد عبس الزبني

اختيار مميز

[ولد عبس الزبني"]

عيون مؤمنه . البااارونه . عبله مشكورين على مروركم
ومنورين الصفحه بردودكم
ولكم تحياتي

[ولد عبس الزبني"]

اخوي شداد مشكور على مرورك
ولك تحياتي