[عبدالرحمن هليل]

ياشريك العمر يازين الصفاتي
ياحسين الدل ياصاف الثنيه
ياخفيف الدم ياكل امنياتي
يارشيق الطول والنفس الزكيه
غير حبك ماعرفته في حياتي
لك حياتي يابعد عمري هديه
لا نظرت الخد مع حلو الشفاتي
قلت مابقيت للعالم بقيه
معك عشت الحب في كل اللغاتي
ولك سطرت الحروف الابجديه
غيبتك فقري وشوفتك الغناتي
شوفتك تبري الجروح الداخليه
لو يجمع كل من لبس العباتي
او عطوني برج مثل الفيصليه
عنك مابدلت يازين البناتي
عهد ماخونه مادام النفس حيه
اطلب الله لا سجدنا بالصلاتي
يحفظك من كل شر وكل سييه
يستجيب ادعاي ويحقق مناتي
والعمر نقضيه بافراحن هنيه

الموضوع الأصلي: ياشريك العمر | | الكاتب: عبدالرحمن هليل | | المصدر: شبكة بني عبس

[الاجهر]

صح السانك قصيدة رائعة ومميزة لاهنت

[المشعل]

يعيطيك العاافيه

ابياااات رااائعه لاهنت على الذوق والاختيار الراائع

تحياتي لك

[بدر بن محمد]

صح اللسااااااااااااااااانك عبدالرحمن
وبيض الله وجهك على القصيدة
ودمتم بالف خيررر

[قلبي إماراتي]

[عبدالرحمن هليل]

صحت ابدانكم وشكرآ لكم

[يوسف الاسود]

يعيطيك العاافيه

ابياااات رااائعه لاهنت على الذوق والاختيار الراائع
***************************

[عبدالرحمن هليل]

الله يعافيك ولك ودي