[شاعر الوطن]

شاعر الوطن

اسمي على الشعار واهل المنتدى ماهو غريب=نوره مثل نور القمر باقي على طول السنيـن

راحت ثلاث سنين والدنيا تودي مـا تجيـب=هاك الزمان الاولي ما يجهله غيـر اللعيـن

السبع الضاري

اسمك مـع الشعـار نجـم ٍ لايبيـن ولايغيـب=نوره مثـل نـور الثريـا بالسمـاء للناظريـن
راحت ثلاث سنين معكم نفض جيب بنفض جيب=ميـر الله الله وألكـم الله ياشـبـاب ٍغافلـيـن

شاعر الوطن

الطيب يا سبع الخلا ما يجزا غير بفعل طيب=الطيب لي وقدمه لا شفت نـاس(ن) طيبيـن

العام انا وياك يا سبع الخلا ومعنا الحبيـب=ون كنت ناسي من انا انشد عن العقل الفطين

السبع الضاري

الشك زايل وانت مالك غير مايحوش النصيـب=مهما تهرج الناس لابد ان مـا الخافـي يبيـن
قلي ..من العقل الفطين اللي من اشعوري قريب=من عام الأول ما اذكر ألا نهر شعب الرافديـن

شاعر الوطن

الشعر تاريخ العرب ما يحفظه غير الاديب=وانا حفظته للعرب وانته وغيرك شاهدين

السر ما يكشفه غير الي نزل وسط القليب=اليا نزل ينظر يساره لا يناظـر لليميـن

السبع الضاري

والله مااشهد زور لو يذن على القبر الخطيب=مير اذكر الله واقطع الوسواس بالعلم اليقيـن
انا نشدتك وانت مدري ليش ماودك تجيـب=ان كان واثق وش يضرك لو تكلم كلمتيـن

شاعر الوطن

العلم واضح يا طويل العمر في عقل اللبيب=وانته لبيب العقل لو حطيتها بيـن اليديـن

لو كل رامي يرمي أهدافه وفي رميه يصيب=ما كان شفنا فالزمان اللغاز تبغـى محلليـن

السبع الضاري

قوس الربابه ماحنوه ألا علـى شـأن السبيـب=الناس دون حقوقها لـو تـودع القاسـي يليـن
لو شاب رمش العين ريش الطير الاسود مايشيب=وقع المطر يعرف بالارض وفي نفوس الغانمين

شاعر الوطن

الجرح يلقى له دوى والطب يبغى لـه طبيـب=وجرح الهوا ماله دوى ويبكي من همومه حزين

سبع (ن) سواتك يا طول العمر به شكه وريب=سبع(ن) مهجن بين ذيب وثعلبي وابا الحصين

السبع الضاري

عزالله اني خابر ودار ٍ ان ظني مايخيـب=لو لاح بـراق التويبـع مايسيّـل قرنتيـن
سبع الخلا لو يشلعك بالناب جرحك مايطيب=ماهو مواطن مثلكـم يامعايديـن القريتيـن

شاعر الوطن

شمس المعرفه للعوارف نورها نور(ن) عجيب=للعارفين الي علـى حسـن النوايـا عامليـن

السالفه ما هي مخاصم سل سيف(ن) بالحريب=أمشو على درب السنع والله على الدنيا يعيـن

الموضوع الأصلي: شاعر الوطن + السبع الضاري أبداع | | الكاتب: شاعر الوطن | | المصدر: شبكة بني عبس

[بندر بن صبح]

صح لسان الشاعر الكبير شاعر الوطن

وصح لسان الشاعر السبع الضاري

ومشكور ياشاعر الوطن على التنسيق

الله لايهينكم طاروق رائع اكثر من رائع بين شعراء عمالقه

[ناصر خنيفر]

صحت السنتكم شعار مافيكم حيله مشكورين

[الاشقر]

صحت السنتكم شعار مافيكم حيله مشكورين

[العالم الفلكي]

صح السانك والسانك السبع