[الاجهر]

بسم الله الرحمن الرحيم
السلام عليكم ورحمة الله وبركاته
اقدم لكم مع التحية هذه المحاورة التى اقيمة بمناسبة زواج / فهد بن نوار الرشيدي بالرياض بتاريخ 1/5/1430هـ ( بقصر اليخت للاحتفالات ) بين كلا من الشاعر / زيد العضيلة والشاعر الكبير / عبدالله بن سنان اتمنى ان تنال استحسانكم وتعليقاتكم كما لايفوتني ان اذكر لكم بقية الشعراءالمشاركين وهم كلاً من الشاعر / ابراهيم الشيخي والشاعر/ عبدالله الاشرم و الشاعر / سفرالدغيلبي

عبدالله بن سنان

يامرحبا بالنيابة عن سلالة رشيد = العزوة الى تسلل عبس من جدها
الليلة العلم مصدارة على راس زيد =والى بناء بنيتة بالعز ماهخدها

زيد العضيلة

دام البقاء يالقريب لاتروح بعيد = والله مالوم القلوب الياكثر ودها
انا مطيري وتعرفني ضلوعي حديد = والى ماتحمي المواقف لعن ابو جدها

عبدالله سنان

ان كان راسك عنيد انا تراني عنيد = عارضتلك ناس لاقدك ولا قدها
انتة من اول يابو ممدوح باسك شديد = واليوم لا روحة ماعاد ترتدها

العضيلة

ان كان عمتك عليك الليلة ام العبيد = في هالشنب لا ضع اقدامي على خدها
والى نفض في نحور الخيل وش يستفيد = اما طرح شدها ولا نقل شدها

سنان

يازيد ماجتلك الدنيا على ماتريد = لكن دور لك اجرة فالبلد كدها
انتة مطيري وكنك رابي فالصعيد = وابوك عزوة عتيبة من يقف ضدها

العضيلة

الليلة انته مباشرنا بعلم جديد = وانا على شانكم سكيني احدها
وانعم في عزوة عتيبة وهل من مزيد = ومطير عزوة ولا احد مبيح سدها

العضيلة

سكينك الى معك ماهي بحقة وريد = لكنها في خباها ردها ردها
تراك منت المناضل خالد بن الوليد = لكن وقف برجلينك على حدها

سنان

تبغى الحقيقة ماتصلح غير ساعي بريد = خوتك ياليت ربي لدها لدها
انا خويك تخليني لحالي وحيد = لابدها تكشف الاسرار لابدها

العضيلة

انا اشتغل فالبنوك وعندي اكبر رصيد = وانته تطالع فلوس الناس وتعدها
ماني مخليك روح ياعسى ماتفيد = والطاقة الى يجي منها الخطر سدها

سنان

انتة موظف بنوك الربح لكن بليد = ما غير يمناك بالاسواق وتمدها
مادام تاطى على ساقك عديد شديد = الناقصة ردها والطيبة بدها

العضيلة

عز الله ان تبيلك عيد من غير عيد = يالي عزمة الطراقي عشها غدها
بعض العرب لو عندة شعر ما يستفيد = ليتة يدور جبال يدرق سدها

العضيلة

غنا حمام الطرب من فوق خضر الجريد = النفس عن ماتودة هدها هدها

--------------------------------------------

هذا ولكم خالص ودي

الموضوع الأصلي: جديد / المحاورة المطلوبة | | الكاتب: الاجهر | | المصدر: شبكة بني عبس

[فلاح الرشيدي]

مشكور يالغالي على التنسيق الرائع
هذا ولك مني كل الشكر والتقدير

[العالم الفلكي]

مشكور اخوي ابوسعود

مكانها المنقول يابوسعود

[ناصر خنيفر]

مشكور على النقل يالاجهر

[فارس الزبني]

مشكوووووووووور اخوي على النقل

[الاجهر]

اقتباس من مشاركة فلاح الفلاح مشكور يالغالي على التنسيق الرائع هذا ولك مني كل الشكر والتقدير

ياهلا يافلاح لاهنت ياذيب

[الاجهر]

اقتباس من مشاركة العالم الفلكي مشكور اخوي ابوسعود مكانها المنقول يابوسعود

مشكور ياغالي والمكان الى مناسب حطوها فيه
لاهنت

[ابن الخميلي]

شكرا اخوي الاجهر على النقل لكن الدعوى مغشوشه والله اعلم