[مرشدالمظيبري]

قصيده مختاره لشاعر / مرشد البذال رحمة الله علية (..انقل لكم هذه القصيده لشاعر الكويتي مرشد بن سعد البذال رحمه اللهاتمنى ان تنال الاعجاب ..)

*********
قالوا حكوا بك قلت وش هم يقولون ..... وش قيل فينـا يالوجيـه الفليحـه
شوفوا مردُ الهرج وش هم يطرون ..... حتى نعرف مزوره مـن صحيحـه
كان الكلام من المعادي على هـون .... بعض المسبه بالمجالـس مديحـه
تجيـه عربـانٍ مـن الله يخافـــــــــون ..... عن الظليمـه ينصحونـه نصيحـه
لو كل خلق الله على الحق يمشون .....كان القلوب من الخطـا مستريحـه
كم واحدٍ بعروض الأجواد مفتـون ....... وهو سلومـه يفضحنـه فضحيـه
وكم واحدٍ يطعن وهو فيه مطعـون .... يذم ريح النـاس والشيـن ريحـه
بعض كلام الناس تهمات وضنـون ...... قـولٍ تنميـه الوجيـه الوقيـحـه
الظلم لو فازوا هله مـا يدومـون ...... راع الظليمـه لاتباطـى مطيـحـه
والناس هذا الناس من عصر ذالنون .... كلن على دربـه ركابـه مشيحـه
مقرود يامن بـدل اللـون باللـون ....... بعض الكلام يحرفه عـن صحيحـه
والصدق هو والكذب ماهو بمقرون ..... كان إنها تدرس بلهجـه فصيحـه
مايمدح الرجـال بالشكـل واللـون ..... إبحث معه لينك تعـرف القريحـه
تراك تعرف عنه وأنتـم تهرجـون ...... يبين لك من كـل جـودٍ نضيحـه
المستريح اللي من الشـك مامـون .... مع كل خلـق الله علومـه مليحـه
كم واحدٍ حيٍ لـه النـاس يثنـون ..... وإلا توفـى قـالـوا الله يبيـحـه
وكم واحد لو هو باالألحاد مدفـون .... ذكراه عند الناس بيضـا صفيحـه
وكم واحدٍ يجمع ملاييـن وخـزون ..... مـالٍ تنميـه اليديـن الشحيـحـه
لا تشكره رملـى ولا فـك مديـون ..... ولا حل مشكلة النطيـح ونطيحـه
ولا له على جاره من الفضل ماعون .... لو إن جيرانـه تشـوف الذبيحـه
وكم واحدٍ جيران بيتـه يحمـدون ..... للجـار ريـف وللجماعـه منيحـه
وكم واحدٍ منه العـوادي يخافـون .... زبن المخيف اللي كثيـرن فحيحـه
ربعه نهار الضيـق فيـه يتـذرون ...... لا جا نهـارٍ فيـه لجـه وصيحـه
وبعض الرجال بهم شريفين وعفون .... كلن علـى ماقـال يرجـع لكيحـه
وبعض الرجال بضحكهم يستغلـون ..... يجيبها مـن نـوع زلقـه بطيحـه
هذاك بين له من الهـرج مدفـون ...... خلـه إلا شافـك يزيـن سميحـه
الهرج لـه نقـال والـرد للشـون ...... مزح الجزع يثـر بكبـدك جريحـه
هذا وأنا ماني من الناس ملسـون .... لاشك أرفض مـن تزايـد جميحـه
قلته وكل الناس غيـري يقولـون ...... راع الظليمـه لا تباطـى مطيحـه


وســــــــلامتـــكم

الموضوع الأصلي: قصيده نصيحه لمرشد البذال رحمه الله | | الكاتب: مرشدالمظيبري | | المصدر: شبكة بني عبس

[العريض]

تسلم ولاهنت اشكرك ع النقل الجميل

[المشعل]

مرشد يعطيك الف عاافيه

قصيده راائعه وفيها من النصائح والحكم للشاعر مرشد البذال الله يرحمه ويرحم اموات المسلمين

مشكور على النقل والاختيار الراائع

تحياتي لك

[عايد2001]

تسلم ولاهنت اشكرك على النقل الجميل

[احمد سبيتان]

الله يرحم هذا الشاعر العظيم الذي جعل قصائده تسكن قلوب الناس
قبل ان تقولها السنتهم تميز شعره بكثير من الحكمه والنصائح
التي صارت ترددها النا س وارجومنك اخوي مرشد المظيبري
ان تنقل عدد من قصائد هذا الشاعر العظيم
رحم الله شاعرنا واسكنه فسيح جناته

[مرشدالمظيبري]

يعطيكم العافية على المرور

[حب الغموض]

يديك الف الف عافيه

[مرشدالمظيبري]

يعطيكم العافية على المرور