[الاجهر]

	البارحة من قادح الفكر مابات= برق القصيد اللي رفيفه خذانا ليا أرزم الرعاد كم قلت له هات= المزن مزنك والشهاليل مانا ورفات ياالخضر المعاذيق ورفات = يااللي على ساق من الريهجانا من يوم صار الشعر رغبة وغايات= أطلقت لامهار القصيد العنانا ولأبان مديت النظر والمسافات = سبحان من سخر لنا ماعطانا سلام ياربعي من الذات للذات = دنيا تفرقنا وجمع يحدانا يااللي لكم فوق المجرة مسارات= فوق النجوم اللي تعلت سمانا أولادمضبر والهقاوي بعيدات = تنزح مثل مصباحنا عن مسانا نتبع هوى غير النفوس العزيزات = من حيث ماتذرى الهقاوي مدانا من شان مجد ماهيا بالسهالات= ولاجاء بحبة منخر من إعداٍنا الله يغيث الحي ويغيث الاموات= في رحمته رب الملا ويحمانا وللغيث ياديرة هلي عيط أبانات= عيط الفخر والمجد ياعيط أبانا اللي بعد توفيق رب السماوات= ضافٍ عليها بالمعزة ذرانا بالفعل والا الهرج مافيه مشهات= أربمئية عامٍ وهي في حمانا يوم المواقف غصب والروس نعرات= كم نعرةٍ دارت عليها رحانا ميقافنا يوم الواقف صعيبات = أزعل علينا ضلعنا من قسانا مانخالي بعاد المرامي مخالات= من ذاق درج خشومهن مانسانا عزالله إنا ماتركنا حسافات= وعن مايمس الحال تكرم لحانا من بعدها يااللي لك البيض رايات= ياالأبلج اللي مرتكي بالمكانا حامي مكان اهل الفعول القديمات= ومواصل منهاجهم ماتوانا مفني عيال القود رجل المهمات= ومبهرج بيته عيانٍ بيانا أبو هلا للضيف في كل الأوقات= كنه بمطلاعه سهيل اليمانا صلحان شيال الحمل الثقيلات =أبن بدوي لو ماالزمان الزمانا لبيه ياراع الفعول الجميلات = اللي نلبي دعوته لا دعانا لله درك يابعيد المدارات = والله يديمك ياوسيع البطانا الشاعر / صالح الرشيدي

الموضوع الأصلي: سلام ياربعي من الذات للذات | | الكاتب: الاجهر | | المصدر: شبكة بني عبس

[عويض بن شامان بن خلف]

صح للسان صالح
وسلمت يابوسعود

[الشاطئ المهجور]

صح للسان صالح
وسلمت يابوسعود

[فلاح الرشيدي]

مشكور على الطرح وصح لسان الشاعر
وتقبل مروري

[عبدالله العرعري]

صح لسان الشاااعر ومشكوووورر على هالنقل الجميل

[مريف الرشيدي]

صح لسان الشاعر ومشكور على النقل

[ابو ريتاج]

يوم المواقف غصب والروس نعرات

كـم نعـرةٍ دارت عليهـا رحانـا

صح السان الشاعر وتسلم يا الأجهر

[منارة الذئاب]

مشكور على الطرح وصح لسان الشاعر
وبيض الله وجهك يابو سعود تقبل تحياتي