[حامد عوجان]

قلت وش وسط الضمير وقال وش تبغابه=لاتحرك لك شجون وتبلش بتاليها
خلها مابين جدرانه وفي دولابه=لايبينها وهو له مدة مخفيها
بالزمان اللي عجيب ولا كشفت اسبابه=شفت لي حاجه تهول القلب ياموحيها
شفت نخلات طوال وشامخه جذابه=وارضها خصبه ويحري بالثمر راعيها
والسواقي في حوابيط النخل صبابه=دايم مرهي عليها شربها مسقيها
يوم جاء وقت الجداد في وفي يده مخلابه=قطع عذوق النخل وانتاجها كاسيها
ماقدر ياكل ولاتمره من اللي جابه=والسبب من علة مايقدر يداويها
والظروف اللي على راع النخل غلابه=لكن انه مايبنها ولا يخفيها
ماله الا الصبر لو إنه يطول حسابه=الله اللي خالق نفسه وعالم فيها
وان بغيت ابين المعنى لاجل طلابه=ابتلشت بقصه اولها مثل تاليها

الموضوع الأصلي: قلت وش وسط الضمير | | الكاتب: حامد عوجان | | المصدر: شبكة بني عبس

[فيصل الرشيدي]

وان بغيت ابين المعنى لاجـل طلابـه=ابتلشـت بقصـه اولهـا مثـل تاليهـا

صح لسانك وبيض الله وجهك على هالقصيدة الاكثر من رائعه

[عويض الرشيدي]

صح السانك ولاهنت

يعطيك العافيه

عويض الرشيدي

[صالح سعود]

ماله الا الصبر لو إنه يطـول حسابـه ** الله اللـي خالـق نفسـه وعالـم فيهـا
وان بغيت ابين المعنى لاجـل طلابـه** ابتلشـت بقصـه اولهـا مثـل تاليهـا

حامد عوجان



صح لسانك يالغالي

وبيض الله وجهك

[حامد عوجان]

الاخ فيصل شكرا لك وماقصرت