[عبد الله السلمي]

رشيدي حاتمي

المناسبة / زارني المشرف التربوي في مدرستي بحي النقادي بينبع وعند خروجه من الفصل قابله طالب رشيدي( شويلعي) صغير عمره 8 سنوات فسلم على المشرف ثم سأله عن اسمه وعزمه على الغداء فأعجب المشرف من تصرفه وهنأني على وجود مثل هذا الطالب في المدرسة فقلت له : الرشايدة أهل كرم وجود وطيبة نفوس وأنا لا أستغرب مثل هذا الموقف بحكم معرفتي لهم ثم كتبت هذه الأبيات وأرسلتها للمشرف وأحببت أن تكون في منتداكم الجميل وقبيلة الرشايدة العزيزة على قلبي وأعتز بصداقة الكثيرين منهم في ينبع والمدينة وجدة وحائل وعذرا على أي قصور في هذه القصيدة.


ما هي غريبة كان مبديك ترحيب
لو كان طــفــل في معــانيه رجـال
طفل ولكن ساس بيته من الطيب
عبسي رشيـدي حاتمـي بالافــعــال
جاها على الفطرة من غير ترتيب
سلّم وصافح ثم سالك عن الحــال
وأثنى عزيمة شايب غطه الشيب
كل السبب شايفك ضيـف ورحـّـال
هذي عوايد قوم فوق المراقيب
متوارثين الجــود جيل وراء أجيال
الساس عبسي والشهامة مشاريب
والدار حايل وين حلــوا بمــــنزال
بيت من العــزة وربعه مناسيب
عامـــوده النخــوة نهاته ولا مال
ما أقولها ألا من صميم التجاريب
أربع سنين بينت لي بلا جـــــدال
أقرأ على وجه الرشيدي مكاتيب
طيب النفوس اللي بها طيّب الفال
وإن حافها ضايم تعود مشاهيب
أحرار لا هدت على كل منــــوال
فيهم حمية فوق وصف الأعاجيب
هــذا ولــد عــم وهــذا ولــد خــال
والناس قالت خير صنف الأصاحيب
( خوّة رشيدي ) ضاربين بها الأمثال
هذي شهادة حق من دون ترهيب
ما أرجي وراها مكسب جنيه وريال
قول اسلميٍٍ عارف الشاه والذيب
يعرف عزيز النفس من بيــن الأنذال
جربت في الدنيا صنوف المذاهيب
اللـي بها صـدق المعــاني وتمثــال
يا مكثر اللي ما تعرف المواجيب
يصعب عليها من ردى مــدّ فنجال
وأنته حلال الجود خير المعازيب
ما خاب ظنّه يوم رحب بك وقال
فيك الوفا والطيب مكسبك ترحيب
من قدّم الخيرات يجزى بالأمثال


إهداء إلى كل رشيدي ... كتبها / عبد الله السلمي

الموضوع الأصلي: رشيدي حاتمي | | الكاتب: عبد الله السلمي | | المصدر: شبكة بني عبس

[البعيد الهادي]

صح اللسانك وتعلأ شانك
وماعليك زوووود ياعبد الله السلمي
ونعم فيك وفي قبيلتك
وبيض الله وجهك على هذه الجزله ومن شاعر جزل
وهذه ابرك الساااااعات تواجد بيننا
ونتشرف بوجودك دائما".ودمت بعز
وتقبل فائق الاحترام والتقدير

[رائد الذيابي]

صح لسسسانك وجمل الله حالك


بيض الله وجهك يالسلمي ولاعليكم زود

حياك الله ويشرفنا تواجدك

[شهاليل]

الشاعر ".. عبدالله السلمي .."
تشرفنا بوجودك الجميل وماعليكم زود
صح لساانك مدد بلاعدد
على هذا النص الجميل
ويستااهلون ربعي

[نايف ابن عليثه]

قول اسلميٍٍ عارف الشاه والذيب
يعرف عزيز النفس من بيــن الأنذال


ونعم بمن قآل هذه القصيدهـ ونعم بالســلمي والله من طيب اصلكـ وانـآأخوكـ

وصح لسـآنكـ وانــآ اشهد انكـ فخر لقبيلتكـ

وقصيدهـ تشكر عليهـآ

بس لي طلب لاهنت..الا وهو

انكـ لاتحرمنــآ جديدكـ

وبني رشيد تقولكـ يـآهلا ومرحبــا وحيـآكـ ربي,,,

وتقبل سـلآمــي,,,

[مسندالعويمري]

صح لسانك الشاعر عبدالله السلمي كلمات تمعنت بلوفاء والابداع تسلم ايدك .. والله يعطيك العاااافيه وماعليكم زود

ومااجبرك على هذي القصيده هو كرمك فلكريم يعجب بلكريم كيف وانت من اهل الكرم والطيب بيض الله وجهك ووجه كل كريم

يقول الشاعر

يبقى الوفا لأهل النفـوس الخفافـي=اللي وفاهم من على عصر الأجـداد
رد الثنا واجـب علـى كـل وافـي=واجب على من يعرف اسلوم الأجواد

تحياتي وتقديري

[مسندالعويمري]

اسمحلي اخي الشاعر عبدالله السلمي بتنسيق القصيده

ما هي غريبة كان مبديك ترحيب =لو كان طــفــل في معــانيه رجـال
طفل ولكن ساس بيته من الطيب =عبسي رشيـدي حاتمـي بالافــعــال
جاها على الفطرة من غير ترتيب =سلّم وصافح ثم سالك عن الحــال
وأثنى عزيمة شايب غطه الشيب =كل السبب شايفك ضيـف ورحـّـال
هذي عوايد قوم فوق المراقيب =متوارثين الجــود جيل وراء أجيال
الساس عبسي والشهامة مشاريب =والدار حايل وين حلــوا بمــــنزال
بيت من العــزة وربعه مناسيب =عامـــوده النخــوة نهاته ولا مال
ما أقولها ألا من صميم التجاريب =أربع سنين بينت لي بلا جـــــدال
أقرأ على وجه الرشيدي مكاتيب =طيب النفوس اللي بها طيّب الفال
وإن حافها ضايم تعود مشاهيب=أحرار لا هدت على كل منــــوال
فيهم حمية فوق وصف الأعاجيب =هــذا ولــد عــم وهــذا ولــد خــال
والناس قالت خير صنف الأصاحيب =( خوّة رشيدي ) ضاربين بها الأمثال
هذي شهادة حق من دون ترهيب =ما أرجي وراها مكسب جنيه وريال
قول اسلميٍٍ عارف الشاه والذيب =يعرف عزيز النفس من بيــن الأنذال
جربت في الدنيا صنوف المذاهيب =اللـي بها صـدق المعــاني وتمثــال
يا مكثر اللي ما تعرف المواجيب =يصعب عليها من ردى مــدّ فنجال
وأنته حلال الجود خير المعازيب =ما خاب ظنّه يوم رحب بك وقال
فيك الوفا والطيب مكسبك ترحيب =من قدّم الخيرات يجزى بالأمثال

[برق الوسم]

صح اللسانك
وماعليك زود ياعبد الله السلمي
ونعم فيك وفي قبيلتك
وبيض الله وجهك على هذه الجزله ومن شاعر جزل
تقبل مروري واسمح لي بتثبيت الموضوع