[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر الجدي والشاعر الحجازي

الجدي

سامعنك ياالحجازي كتبت ولاقريت=والعرب تكتب وتقرا على الشيطانيه
والله اني خابر انك شجاع ولابغيت=دونها صكيتوا القفل والبيبانيه

الحجازي

ما سمعته دور اله الشهود ولا لقيـت=عندنا لك حجة فوق عشر الوانيه
منحة الخلاق يا أصحابنا منها اغتنيت=وللحقوق حلوق والحبل فوق السانيه

الجدي

ياعميلـي لاتضيـع ترانـي مابديـت=العرب تكتب وتقرا على العدوانيه
ادري انك سارحٍ بس لكـن ماضويـت=اسر مسرى الذيب ياصاحبي سرحانيه

الحجازي

لا لعبت الباشه ألعب عليه اكة سبيت=ادخل الميدان واضرب على الصوانيه
المساري خلها بين كيت وبين كيـت=اطلع اطلع للجبل جنب الوديانيه

الجدي

الجبل فجرته امس الضحى بالدينميت=برقوا وسط الدفاتر وفالعنوانيه
مادريت انك حجازي وتوي قد دريت=بعد ماخايلت برقً ورى الصمانيه

الحجازي

بعد فجرت الجبل دير بالك لا ارتكيت=الأمور مدحدره مالها ضمانيه
خل في مخك يقين وتذكر لا نسيـت=والبروق تخيلها مير حيلك وانيه

الجدي

الجبل ماينفعه قول ليـت وليـت ليـت=بعد شاب الراس راحت عظام فانيه
يحسب انه عايشٍ فالزمـن ذا كمبليـت=مادرى ان الموت جوف الضلوع الحانيه

الحجازي

وأنت ما ينفعك قولة على العليا رقيـت=التمني غير عن نجدة الذرعانيه
لا حسبت حساب يكوي عدوي ما أنكويت=بالقدر مومن ورزقي من الرحمانيه

الجدي

ياالحجازي ليش خليت دارك ليش جيت=خابرٍ عدك ورى ديرة العضيانيه
البلاء ثم الجلاء عقب منهـا مامشيـت=جيت ثم حولت عندي في الشعبانيه

الحجازي

كل هذي ديرتي وإن زعلتوا وإن رضيت=من حجاز تذكره لسفل الضلعانيه
عبس ساسي مير سندت وألا لنتحيـت=والظروف لحكمها يخضع السلطانيه

الجدي

الديار مجوده من عصر حي وميت=في نهارً فيه زارق وبه طعانيه
ورايكم ذا الحين مع ربعكم جوف الكويت=راح على القوم مع شلة الرعيانيه

الحجازي

جعل من جود رسنها له الجنة مبيت=والله إنه يلحم الجدر فالسيسانيه
والكويت كويتكم يا مجمعت العميت=وأما أنا مع ربعي أهل العلم وأبانيه

الموضوع الأصلي: الجدي + الحجازي | | الكاتب: العالم الفلكي | | المصدر: شبكة بني عبس

[ملفي العجرمي]

صحت السنة الشعار على هذه المحاورة الجميلة
ومشكور أخوي العالم الفلكي على تنسيق المحاورة
الله يعطيك العافية

[بندر بن صبح]

اشكرك اخوي العالم الفلكي على التنسيق


وصح لسان شاعر الحجاز الكبير


وصح لساااااااااااااااااااااني



وتقبل مروووووووووووورري

[الحجازي]

ربنا يبارك فيك يا مشرفنا الغالي العالم الفلكي
ويعطيك العافية على تنسيق المحاورة وصح السان الشاعر الجدي
لك من الحجازي أزكى التحايا

[صميدع راس]

عاشووووووووووووووااااااااااااااااا


صحت السنت الشعار


تقبلووووووووووووووووا مروري