[عيسى بن راكـب]

السلام عليكم ورحمة الله وبركاته

يا ذيب جر العوا لا يهمك الشاوي = أخذ السمينه ولا تعبر شواويها
ما أحدً براحمك لا من طحت متساوي = القوم ما ترحم اللي مرثعً فيها
في ليلةً لا هي بترحم ولا تاوي = شبيت نار الهجوس وقمت أصاليها
أخايل النجمة اللي نورها ضاوي = وعيوني النوم عيا لا يصافيها
فوحت هيل القصيد وعوده الجاوي = سالي عن الناس ما كني بأراضيها
ولمحت طيف الهنوف ولأني بغاوي = فزيت أغني لها مدري أغنيها
حوريتن لو رأها الشيخ طنطاوي = يمكن فتاويه تبلش مع فتاويها
في وصفها لخبط الشاعر مع الراوي = وأهل الحكاوي تخالف مع حكاويها
فكرت في خطفها لكن ماني قاوي = أخاف تزعل وأنا مقدر أراضيها
بعيونها الليل مدري ويش هو ناوي = سبحانه اللي بهالخلقه مسويها
الخصر ضميان لكن ردفها راوي = والليل الأظلم ليا نامت يغطيها
ويا ذيب جر العوا لا يهمك الشاوي = أخذ السمينه ولا تعبر شواويها

أخوكم/عــيســــــــــى بن راكـــــــب

الموضوع الأصلي: يـــا ذيــــــــــب !!! | | الكاتب: عيسى بن راكـب | | المصدر: شبكة بني عبس

[احمد سبيتان]

صح لسانك والله لايهينك
تقبل مروري

[مرزوق العجوني]

صح لساانك اخوي عيسى ولا هنت على الحضور الجميل وتقبل تقديري

[عيسى بن راكـب]

صح بدنك أخوي أحمد

ولا هنت على المرور يالغالي

تحيتي لك

[عيسى بن راكـب]

صح بدنك أخوي مرزوق وتسلم على المرور الجميــــــــــــل

تحيتي لك

[ذيبان الرشيدي]

الله درك
على ما اجزلت
قصيده في قمة الرقي والجزاله
حاويه
لحرفٍ ساخر .. وفاخر
ينتهي
بجمال الاعتزاز بالنفس

الله
درك
يابن راكب
وصح الله لساانك

لاتحرمنا جديدك

دمتَ
بخيراً وستراً وعافية

[عيسى بن راكـب]

صح بدنك أخوووووووي ذيبااااااااااان

مرور يشبه العود الازرق

مشكور على الكلمات الطيبه التي تدل على طيب راعيها

تحيتي لك

[برق الوسم]

صح لسانك لاهنت وتقبل مروري