[فلاح الرشيدي]

أهدي لكم هذه القصيدة
وبصراحة جازت لي و حبيت أشارك به

وجودي على بدو ٍ رعوا حومة النقيان=رعوا في جديد العشب لا زاف زملوقه
وجودي على شوف المعاشير و الحيران=تباري مظاهير على القفر مسيوقه
نصو مرتع فيه الشقارى مع المكنان=ينز النّدى به ما بعد يبست عروقه
وبنّوا بيوتٍ و استقلّت كما الحيطان=تراها حياة الرّوح و النّفس ملحوقه
وشبّ المنارة متعب البن بالرّسلان=وتلافوا عليه اللي يحبون منطوقه
حمس طبخةٍ تقعد خوا الدّايخ العمسان=ولا هيب لا نيّه ولا هيب محروقه
نكبها بنجرٍ كل ما ظرب زاد جنان=ايلا من ضجر كن صوته يجيه من فوقه
حكمها على غاية هل الكيف و الظّفران=بها زعفران و هيل و أشكال مرفوقه
وخذاها خفيف النّفس في دلّة الرّسلان=بها رشمةٍ في حقوها فوق مدقوقه
بعد ساعةٍ قامت تواردهم الذّيدان= ورتع كل ذودٍ عقب مشيه و طاروقه
رعت كل عشبٍ خايعٍ ما تبي رعيان= مع كل شقّه عشبها تومي عنوقه
كساها الشّحم عقب الهزل لين جات زيان=ورعت خايعٍ تقطف زماليق غرنوقه
فحلها مع طرّافها و الوجيه زيان=كما الطّار محني و الزّبد يظرب شدوقه
وزانت طبايعها و ساروحها طربان=ايلا صااااااح لاكنها من الجوّ مصفوقه
والا يا وجووووودي وجد من فارق البدوان=طواه الهيام و ثومة القلب محروقه
وأنا ما ذبحني كود من عودها ريّان=كما غصن موزٍ تدبح براسه اعذوقه
دقيق المعنّق كنّها قايد الغزلان=ايلا من مشت كنها من الحقو منتوقه
عليه أشقرٍ لا من تثعّا على الأمتان=كما مدلهمٍ في الدّجا توضي بروقه
أو كما ذيل شقراً هاربٍ بأوّل الفرسان = لها عادةٍ تسبق ولا هيب مسبوقه
جرحني وراح و مكسبي منّه الحرمان=جداااااااااي الونين و دمعة العين مدفوقه

منقول

الموضوع الأصلي: وجودي على بدون رعو حومة النقيان | | الكاتب: فلاح الرشيدي | | المصدر: شبكة بني عبس

[فهد العوضه]

وجودي على بدو ٍ رعوا حومة النقيان=رعوا في جديد العشب لا زاف زملوقه
وجودي على شوف المعاشير و الحيران=تباري مظاهير على القفر مسيوقه
رائع وابداع اشكرك اخوي فلاح ,,, بصراحه كنت عطشان قصيد مثل هذة القصيدة تسلم يمينك ولاهنت ننتظر الجديد

[فلاح الرشيدي]

اقتباس من مشاركة فهد آل عوضه وجودي على بدو ٍ رعوا حومة النقيان=رعوا في جديد العشب لا زاف زملوقه وجودي على شوف المعاشير و الحيران=تباري مظاهير على القفر مسيوقه رائع وابداع اشكرك اخوي فلاح ,,, بصراحه كنت عطشان قصيد مثل هذة القصيدة تسلم يمينك ولاهنت ننتظر الجديد

لاهنت يابو بندر
مشكور على المرور

[ლ..عذبة الاطباع..ლ]

الله يعطيك العااافيه اخوووووووووووووي

قصيده رااائعه

دمت

اختكـ

[فلاح الرشيدي]

اقتباس من مشاركة **كلي غلا** الله يعطيك العااافيه اخوووووووووووووي قصيده رااائعه دمت اختكـ

مشكوره أختي على المرور

[علم بني عبس]

الله يعطيك العااافيه اخوووووووووووووي

قصيده رااائعه

تحياتي

[فلاح الرشيدي]

اقتباس من مشاركة علم بني عبس الله يعطيك العااافيه اخوووووووووووووي قصيده رااائعه تحياتي

الله يعافيك مشكور على المرور

[سالم المظيبري]

صــــــــــــــــــــــــــــــح لسانك تحياتي لـــك