[خاتم الرشيدي]

بسم الله الرحمن الرحيم
السلام عليكم ورحمة الله وبركاته
اخواني وخواتي اعضاء شبكة عبس قلعة المجد والتاريخ اصافحكم بهذه القصيده
التي هاضة بها قريحتي بزواج ابن العم بدر شريد الحشيه واتمنى ان تحوز على رضاكم

بديت باسم اللي عليه التكالي=الواحد اللي كل مخلوق يرجيه
اللي له القدره ينش الخيالي=سبحانه اللي في كلامي مبديه
ومن بعد ذكره مرحبا برجالي=اللي حضر لعل ربي يحييه
في حفلة الوافي كريم السبالي=بدر شريد منقع الطيب راعيه
راع الفعول الطيبات الجزاللي=عنده تجمعنا عسى الله يهنيه
احد(ن)لفا من شرق وحد(ن)شمالي=واللي من الحره على العز ناصيه
من كل حدب وصوب لم الغوالي=تجمعو والطيب بانت معانيه
هذا زميلله وهذا موالي=والكل منهم درب المجاد ماشيه
وجا لشعر في مجتمعنا مجالي=والراس فيه امن السطر مايجزيه
ووقدة جمر الشعر في راس عالي=شاعر واللي عزوه ودربي مجديه
من روس عبس الياعصفن اليالي=نظرب على الطاغي ونهدم مبانيه
علم(ن)مثبت مابدعته خيالي=ولابدعي شي(ن)من الهرج واخفيه
احفاد عنترمحتمين التوالي=ودليم ابن جاسم الياحل طاريه
وابن الجحيش اللي الياقال طالي=وسرور ابن سمره عزيزه هقاويه
وخضران لامن صار للملح صالي=يقبل على المقبل ولايهاب داعيه
وثامر وابن بداي شيخ العيالي=ولوفان ريف اللي من الخوف ناصيه
هاذي حقايقنا وباقي توالي=من دم العداء نروي السيف نرويه
حقايقن ماهي ابدع المثالي=واليوم بامن وكفن السيف راعيه
كلن جدع سيفه وجا باضلالي=في ضل ابو تركي عسى الخلد تاويه
وبعده اعياله طيبين الخصالي=واليوم ابو متعب عسى الرب يحميه
اربع سنين انعدهن باليالي=الخير مقبل والفقر زاح طاريه

الموضوع الأصلي: والراس فيه امن السطر مايجزيه | | الكاتب: خاتم الرشيدي | | المصدر: شبكة بني عبس

[البعيد الهادي]

صح اللسااانك وتعلا شااانك يااابو عبد الرحمن
وبيض الله وجهك على هذه القصيده الجزله
كفيت وفيت
وعسى زواج ابن عمك مبروووك
ونتمنى له التوفيق
وتقبل فائق الاحترام والتقدير

[خاتم الرشيدي]

ابو سامي حضورك بلسم على القلب وصح بدنك يالغالي

وبيض الله وجهك منور الموضوع بوجودك

وتقبل خالص الود والتقدير

[سعد بن عادي]

صح لسانك والله يا ابو عبد الرحمن

ابيات من ذهب

لقد أرويتنا شعرا .

بيض الله وجهك

ودمتم كما تحبون

[خاتم الرشيدي]

ابو عادي حضور يثلج الصدر صح بدنك وبيض الله وجهك نور الموضوع بوجودك يالغالي
سلمت ودمت

وتقبل خالص الود والتقدير

[خطاف الشعار]

أبو عبدالرحمن

صح لسانك وعلى شأنك

قصيدة جزلة وتقبل تحيات الخطاف

[خاتم الرشيدي]

صح بدنك وبيض الله وجهك على المرور ياخطاف الشعار

[عيد سعود]

صح للسان الشاعر