[عبدالرحمن هليل]

نصيحه لابن اخي

يابدرجعل الله يحفظــك ويحمـــــيك=من شرصادوف الزمن وانقلابه
عسى الولي بامره عن الناس يغنيك=يفتح لك الخالق عن الخلق بابه
واسمع واناعمك تراني بوصيــــــك=لابدتحسب للموصي حسابـــــــــــه
صل الفروض الخمس للي مسويك=وابوك له عليك حق ووجــــــــــــابه
بالدين والدنياعليهم موصــــــــــيك=رب الملاوصابهم في كتـــــــــــــــابه
وامك عليك بطاعة الام تنجيــــــك=وصاك برضاهاالنبي والصحـــــابه
واعرف عدوك يابدرمن بناخيــــك=وحق الرحم لاتقطعه بالقرابــــــــــه
واحفظ لسانك وانتبه من مماشيك=درب الخطا كم ورط اللي مشابـــــه
خلك رفيع الراس وابعدهقاويـــــك=واسلك طريق الحق مع من مشابه
واحذرضعيف النفس بالشريغويك=اللي ورى الفتنه مضيع شبابــــــه
كم واحدن صكواعليه الشرابيـــــك=وخلوه عقب الحق يغدي صوابــه
وان طحت ماوالله شقاواحدن فيك=ولامنه يلقى اللي سال عنك جابـــه
وش جاب طبع الصقريابدرللديك=والحرمرقاب المراجـــــــل رقابـــــــــــه
وقول المثل صادق ولافيه تشكيك=ان لم تكن ذيبن كلتك الذيـــــــــــــــابه

الموضوع الأصلي: نصيحه لابن اخي بدر | | الكاتب: عبدالرحمن هليل | | المصدر: شبكة بني عبس

[العووضي]

صح لسانك اخوي نصيحه وكلمات ثمنيه اشكرك عليها

[برق الوسم]

عبدالرحمن هليل
صح لسانك قصيده رائعه
ونصائح ثمينه
ننتظر جديدك تقبل مروري

[عبدالرحمن هليل]

صح بدنك يابرق الوسم وابشربسعدك

[احمد سبيتان]

شكرا مليون بالفعل نحن بحاجه الى مثل هذه النصائح
التي تطرقت لها بقصيده راائعه لابن اخيك بدر
والالما كان الشعر
اشكرك جزيل الشكر
اخوك
احمد

[مرزوق العجوني]

صح لسانك اخوي ولا هنت على الحضور الجميل وتقبل مروري

[عبدالرحمن هليل]

ولك انت شكري يااحمد

[حب الغموض]

صح السانك وتقبل مروري