[مساعد الخياري]

[
جمر الغلاء
ياناشدن عن ضيقتي وش بلايه
ماكل ما يطري على البال ينقال
أضيق عاده من خلاي بخلايه
و الصدر فيه من الهواجيس ولوال
مدام نفسي ما تحصل هوايه
يجوز لا سجيت في بعض الاحوال
أقفى وليف الروح داي و دوايه
و بيت الغلاء من بين الاحباب منهال
العام كنت أملك عليه الولايه
ماني بلا ظالم و لاني بختال
و اليوم أنا دونه وهو من ورايه
دارت ليالينا بحسره و غربال
عقب الموده صايرن من عدايه
تبدلت مع الأسف حال في حال
جاني عليه اللي بحث له خفايه
أنا على نيات و إبليس دجال
جاه الخبر عني وصارت جنايه
الله يلعن كل خاين و محتال
وأقفى وليف الروح وأعلن شقايه
وضرب علاقة ماضي الوقت زلزال
ورضيت في ناتج غباي و خطايه
و رجواه عقب اللي جرى مني إهبال
دربه خضر و أنا أتحمل بلايه
أكثر من اللي صار يستاهل الظال
و اللي ذبحني فيه ذكر البدايه
أيام حلوه قبل ما أحصد الأهوال
من له بدايه لازم له نهايه
مكتوب له تجري و لو الزمن طال
عندي يقين العرف ماني بتايه
لكن طمعت بزود عامين و ليال
حتى إلياء منه تقطع رشايه
أكون قد برت كبدي من زلال
حصلت لاكن مالحقت الكفايه
قبل القناعه منه قنعني الفال
قمت أتخبط من عماي بعمايه
تضرب تفاكيري من الجال للجال
مأجور ياقلب طواه إنحدايه
عن صاحب شاله عن الود شيال
و اللي جرح قلبي وضيق مدايه
رسالة جتني عبر خط جوال
خط قرته العين شتت رضايه
أنشهد إنه للهواجيس فعال
بعثر ورق خافي وضيع عزايه
وأثر على جروح عريضات وإطوال
لا يابعد قلبي و منبع غلايه
أنت الوحيد اللي له القلب مدهال
و ماصار صار و لا تفيد الشكايه
غلطه وعدت و السبب مني إهمال
ياللي لك بوسط المعاليق رايه
زرعك بوسط القلب حي ولا زال
قربك سعاداتي و بعدك عنايه
و زعلك سم له مع الدم مدخال
البارحه قطع وريدي بكايه
و جمر الغلاء بين المحاديب شعال
و الجفن عيا يهتني في كرايه
و الفكر في ذكرى لياليك شغال
صار القدر وإنصك باب الهدايه
و أنت الذي بيديك مفتاح الأقفال
أرسلت لك خط يبين هوايه
أبي السموحه و الموده والإقبال
الشاعر / بركه صالح الرشيدي

الموضوع الأصلي: جمر الغلاء الشاعر بركه صالح الرشيدي | | الكاتب: مساعد الخياري | | المصدر: شبكة بني عبس

[شلاش الرقاص]

ياناشدن عن ضيقتي وش بلايه
ماكل ما يطري على البال ينقال
أضيق عاده من خلاي بخلايه
و الصدر فيه من الهواجيس ولوال


قصيده رائعه

شكر لك على النقل وصح لسان شاعرها

[مساعد الخياري]

صح بدنك


وتسلم على المرور

[محمد الراشد]

صح لسان الشاعر
وشكرا يابن العم
على القصيدة الجميله

[مساعد الخياري]

صح بدنك ابن العم محمد الراشد


نورنا مرورك الرائع و الجميل


ودمت بود

[جميل مساعد]

مشكور على النقل وتسلم يد ناقلها.. تحياتي

[مساعد الخياري]

جميل أنا

أقصد جميل مساعد

تسلم على المرور


ونورتنا

[فلاح المهيمزي]

ياناشدن عن ضيقتي وش بلايه
ماكل ما يطري على البال ينقال
أضيق عاده من خلاي بخلايه
و الصدر فيه من الهواجيس ولوال
مدام نفسي ما تحصل هوايه
يجوز لا سجيت في بعض الاحوال
صح الله لسان الشاعر مليون
وسلمت الايادي الناقله ملياااااااااار
لك ارق تحيه
عذب