ضــع اعــلانك هنا
 |
الملاحظات
|
|
خيارات الموضوع |
علي الطلاق طلاق مظيبــري انكم تدخلون وترحبون فيني و هذي قصتي من طقطق لسلام عليكم
السلام عليكم ورحمة الله وبركاته كيف الحال جميعا اكيد كلكم ودكم تعرفون انا مين وجيت من وين مالكم بالطويله < الله يعينكم بيمسك خط انا ياطويل العمر جايكم من الربع الخالي بينما كنت هنــآك في الطبيــعه والامطار والسيول والمزارع الا ذبحني العطش يالربع ياجماعة الخير وادور ماء وادور مالقيت اللهم ياكافي وافتح شنطتي وادور المطاره مافيها شي < ياحليله مطاره المهم وامشي وامشي وأرى سرابا يوحي إلي انهو ماءا واذهب اليه ولكن لاأجد شيئا < بالله ماني خقق بالفصحــى هع هع المهم ويرزقنــي الله والقى لي براده واشرب واشرب واشرب واشرب واشرب لين شربت هع هع والتف حول البراده لقيت مكتوب ورى فوق منتديات قبائل بني رشيد وتحت مكتوب قلعة المجد والتاريخ وبالنص مكتوب عالم من العطاء :) المهم ياطويل العمر وارجع للرياض اول مادخلت الرياض الا جوالي كله رسائل موجود هذا شخصيه هامه هذا اوباما هذا البشير حق السودان لقيت له رساله يقول تكفى وين اروح تكفى المهم مارديت عليه فاضي انا تطير رقبتــي واشخاص واجد لقيت لهم رسائل وخليتهم الا يوم دق الجوال تررررررررن تررررررررن الا والله جدتي وارد عليهــا هلا جده وينك ياعبدالله الحق علي بسرعه وانا انتفض ياطويل العمر واطلع لك الرشاش من ورى المرتبه < تخبر نظام دداسن قلت سمي ياجده من القوم اللي غزى علينا لن نتركهم سنلعن خيرهم هههههه قالت خل عنك الهيط هذا وانا جدتك عندي مكينه ام اسد والمكائن ام اسد ا قيامهم على 100 الف ريال قلت بالله عليتس ياجده اجل هذا انا جايتس واي جدتي واخذ منها ياطويل العمر المكينه واروح لك لحراج بن قاسم والقى العالم والحاله حاله كلمهم معهم مكائن والجس لحالي ويمر من عندي ر جال قالي المكينه للبيع قلت ايه قال بكم قلت سم < مسوي اعرف قالت بـ مليون قلت فداك هو اخذه ومشى قلت تعال تعال قال انت تقول فداك هههههههه قلت طير بس طير هات المليون اثره طلع منصور البلوي حق الاتحاد قالي بس على شرط تشجع الاتحاد قلت ماعندك مشكله بس هات الشيك هع هع واخذ لك المليون واعطي جدتي عشر الاف قلت ياجده اكتشفوا انها اشاعة ونزلوا سعرها صدقت الله يخليها لي المهم نفس الوقت دق علي الامير عبدالرحمن بن مساعد قالي ياولد شرايك نلعب سامي الجابر الليله قلت ليه قال ياخي الاتحاد مشكله وتخبر قلت يارجال خل كنتاكي حقكم هذا يلعب تشوف انواع الاهداف قال ياولد بس مشكله قلت ليه قال ماعندنا بدله له هههههههههههآأآأآأآي قلت يارجال بكيفكم بس انتبهوا لمحمد نور لحد يكسره ولاشي ترانــي نسيبه < انا متزوج اختــه من قدـي المهم ياطويل العمر و ادق على سعد الحارثي قلت وينك ياورع قال بالاستراحه انا خفففففففففت على طول قلت لايكون . . . قبل لاأكمــل قال لاياخبل انا باستراحة العيال قلت اشوى قال ليش كل الناس ياسر قلت والله مدري عنك وانا اخوك المهم ياطويل العمر واروح لهم لقيت الشله كلهم متجمعيـــن ويجيني اتصال طارئ واطلع وارد طلعت بنت انا : هلا هي : اهلين انا: هلا مين معي هي : معقوله ماعرفتني انا : لاوالله ماعرفتك ِ هي : انااااااااااااااااااااا انا : ايييييييه هي : اناااااااااااا انا : ايييييييه مين اخلصي علي هي : انا حليمــه انا : هلااااا والله حليمه الا يالشيطانيه من وين جبتي رقمي هي : لقيته بجوال هيفاء وهبي يالخاين انا : يابنت الحلال والله مارقمتها بس شكلها اخذت رقمي يوم كنت بسوق حجاب وكنت حاط بلوتوثي رقمي يمكن لقطت الرقم هي : شدعوه بصدقك انا الحين انا : يابعد تسبدي تشكين فيني هي : خلاص حبيبي يالله انا ابي اسكر ماعندي رصيد ممكن تشحن لي انا : ههههههه اذا فاز النصر < لاني كنت ضامن ماراح يفوز هي : قفلت الخط وانا بعد المهم وارجع للعيال قالو مين قلت واحد من اعضاء شرف برشلونه مشت عليهم النصبه المهم ونلعب بلوت واشتري حكــم ويجيك سعد الحارثي ويدبل قلت ياولد تدبل والولد والتسعه عندي عاد سعد الحارثي توه متعلم ويكوش قلت ليه قال ليه تعلم ان الولد و التسعه عندك قلت وبراسك خذهـا 32 هههههههه ويستانس المهم ويتعدونا بالنقاط وصارو 32 برى وحنا 90 جوى ويشتري خالد راضي صن طبعا خالد راضي قبيل سعد المهم ويجيك التون اللي كان قبيلي ويدبله قلت ياألتون انت و ش انت دابل عليه قال يارجال هي قايمه قايمه قلت وبراسك يابطل شوي وارفع اخر اوراق لي وتطلع معي 100 اربع بنات ههههههههههه وتخسر عليهم وتقوم عليهم وامسك لك التون وابوس خشمه قلت قم ياصغير سو لنا قهوه عطيناك وجه واخذ لك اللابتوب وافتح قوقل واكتب بني رشيد ويطلع لي منتديات بني رشيد واتذكــر على طول البراده قلت سبحان الله مصير الحي يتلائى واسجل عندكــم وهذا انا انتظر ترحيبكــم ان شاءالله ماطولت عليكم والسلام عليكم ورحمة الله وبركاته الموضوع الأصلي: علي الطلاق طلاق مظيبــري انكم تدخلون وترحبون فيني و هذي قصتي من طقطق لسلام عليكم | | الكاتب: نصراويـ11ـ | | المصدر: شبكة بني عبس
آخر تعديل بواسطة نصراويـ11ـ ، 20-04-2009 الساعة 05:50 PM.
|
|
|
اذا انت مو مظيبري
اصلي ما نستقبلك بس اذا كنت من المظابره من اهالي ابانات حياكـــــــــ الله بين اخوانك واخوتك بس انتبه لاتطلق البنت وهي ماتدري اخوك / ابن شقاما
|
[/
|
منـــــآآآآل
الله يحييـــك شكرا لك على الترحيــب ان شاءاله نفيد ونستفيد زي ماقلـــتي
|
|
شداد حياك الله
والله ياخوك انا من مظابرة ولاية واشنطن تخبر ايام زمــان هاجرنا يابعد راسي انا من ابانات ومن ابان الاحمـــر واذا على البنت لاتخاف ماني مطلقها الا اذا اعتزل محمد نور هع هع عموما يحييك ربي ماننحرمــ منك
|
|
|
لعنة الله على ابليسك
خليتني ادخل واثرك ما بالحمض احد ههههههههه تدري حياك الله وبياك
|
|
|
علي الطلاق طلاق مضيبري ان اصدقاي مضابره انثنين وماتوا بحوادث
اخاف اصادقك وتموت سوالفك زينه يابن مضبر والله يحييك وابرك الساعات |
|
|
الحمد لله على السلامه يابن مضبر
حياك الله في منتديات بني رشيد
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| طق طق طق يا عرب ..امي تسلم عليكم وتقول لكم رحبوا فيني :) | غيدآء | منتدى الضيافــــــــة | 15 | 02-07-2011 12:42 AM |
| تعالو بسرعه ...بالله عليكم تدخلون | ولد الجزيرة | منتدى الحوار الهادف | 6 | 13-10-2009 11:18 PM |
| كيك الطلاق 2009 الله لايجيب الطلاق | شمس الأمل | منتدى الصوروالفيديو والسفر والسياحه | 9 | 05-03-2009 12:31 PM |
| السلام عليكم رحبو فيني | ابوعابد | منتدى الضيافــــــــة | 6 | 19-12-2008 08:21 PM |
| انا ......... اتمنى انكم ترحبوون فيني | ناصر الفلاح | منتدى الضيافــــــــة | 7 | 22-06-2008 08:02 PM |
الساعة الآن +4: 08:39 PM.
جميع الحقوق محفوظة شبكة بني عبس
