[الزعيم..]

تعبنا من مدارى خواطـر وحـب خشـوم
وصبر{ن} على الـي هرجتـه مايثمنهـا

ليا جات من فـم المغفـل بـدون وسـوم
حذفها علـى اذن الـي معـه ماتشاينهـا

تحمل وحـاول ماتعـرض لبعـض اللـوم
وخف الكلمتين الـي لـك ايـام ساجنهـا

ولو ماتقدر بعض قوم{ن} لحشمـة قـوم
كثيـر الرجـال تشـك عنـدك باماكنهـا

لياضاق صدرك غيض ماهوحـرام تقـوم
قبـل لاتطيـع بليـس نفسـك ويفتنهـا

وسق الرجل للي من دروب الردى محشوم
وريـث الـرجـال الــي نباهايبينـهـا

لوتجيه تشكي ضيم وقت وشقى وهمـوم
تعـود ولايبقـى معـك وحـدة منـهـا

ولاهو يغيره الزمـن بيـن ليـل ويـوم
على حال واحد والعـرب مـن معادنهـا

لاصار الردي من لذة المرجلـه محـروم
ونفسـه عليـه بسوهـا تامـر وتنـهـا

ترى مانت في خوة ضعيف العقل ملـزوم
تغـرب عنـه لنـذال ماينشـد عنـهـا

رخومن يداعبها الزمان وخذاهـا النـوم
مثـل ماخـذا جهالهـا مــع مجننـهـا

ارى الطيب بدر وطيبين الرجـال نجـوم
واشوف الردى حفره ولا عـاش زابنهـا

وصهيل الحصان نفرقه من نعيـق البـوم
مثـل مانفـرق عالـي الارض واطمنهـا

ولابه مطر لاصار مافـي سمـاك غيـوم
ولا لرض تنبت عشب من ماء مخازنهـا

هذا الي طرى يوم انكشف سري المكتـوم
رسالـه مـادام الله كشفـهـا بنعلنـهـا

ولو ماتـداري لـك خواطـر تسيرعلـوم
لكن احفر لزلـة هـل الهـرج وادفنهـا



وسلامتكم

الموضوع الأصلي: تعبنا من مدارى خواطـر وحـب خشـوم | | الكاتب: الزعيم.. | | المصدر: شبكة بني عبس

[مجبور]

عوافي على الطرح المميز

[الزعيم..]

مجبور..

مروركـ عطر متصفحي..

لاهنتــــــــــــــــــ

[جفاا]

يعطيك العافيه شيبوب مبدع بطرحك

[نوماس5]

يسلموو على الطرح مميز يالغلاا