[فهد العوضه]

من عز نفسه عزه الله عن النـاس=وانا عزيـز وعزتـي راس مالـي
مانيب من يتبـع سواليـف بـلاس=اعز نفسـي عنـه وابعـد مجالـي
مبعد مجالي عن هرابيـد الانجـاس=اهـل الـردى ياجعلهـم للزوالـي
اللي سوالفهم تجي مالهـا اقيـاس=افـلان قـال وقـال وافـلان قالـي
اللي بدون احساس يدفن بلا احساس=لاناشـدن عنـه ولاقلـت غـالـي
واقول في بعض الرجاجيل لابـاس=رجـال فاالكلمـه وباالفعـل خالـي
يجذبك باالكلمه معا زيـن الالبـاس=وتقول هذى اللـي يسمـا الهلالـي
ولانيب اعم الناس والناس اجنـاس=احدن يحوش الطيب واحدن موالـي
النفس تبغا طيب الـذات والسـاس=معـرب الجديـن عمـن وخـالـي
لاحتاس فكري قلت لاباس يـاراس=ذكرت ناسـن فعلهـم مـا يزالـي
ناسن لهم في صفحة الطيب نبراس=راسين مثـل مروبعـات الجبالـي
افعالهم تذكر علـى قـب الافـراس=يذكرهـم التـاريـخ اول وتـالـي
اهل المواقف فعلهم يرفـع الـراس=واهل البيوت الشامخـات العوالـي
ناسن سعت بالطيب والطيب نوماس=والطيب وفقه من عزيـز الجلالـي
وصلاة ربي عـد ماهـب نسنـاس=وعداد ماذعـذع علينـا الشمالـي

مناور بن هرماس العازمي

الموضوع الأصلي: قصيدة من ذهب ومميزة ( الشاعر مناور العازمي) | | الكاتب: فهد العوضه | | المصدر: شبكة بني عبس

[فلاح الرشيدي]

مشكور كل الشكر
ابو بندر وينك عن الشبكة منذو مبطي
تقبل أعجابي بنقلك الفاخر والمميز
لك ودي وتقديري

[ابن فجوان]

صح لسان الشاعر منور
وسلمت يديك فهد
قصيدة جزله ومن قالها جزل
ومن نقلها جزل
تحياااااتي

[فهد العوضه]

اقتباس من مشاركة فلاح الفلاح مشكور كل الشكر ابو بندر وينك عن الشبكة منذو مبطي تقبل أعجابي بنقلك الفاخر والمميز لك ودي وتقديري

ك مليار شكر على مرورك مع التحية لك

[فهد العوضه]

اقتباس من مشاركة ابن فجوان صح لسان الشاعر منور وسلمت يديك فهد قصيدة جزله ومن قالها جزل ومن نقلها جزل تحياااااتي

لك مليار شكر على مرورك ,,,,,,, ولك تحية

[فزاع]

مشكور يافهد
تقبل ودي وتقديري

[الماجدالذيابي]

صح لسان الشاعر ولاهنت علي النقل

[فهد العوضه]

اقتباس من مشاركة الماجدالذيابي صح لسان الشاعر ولاهنت علي النقل

مشكور على مرورك تحياتي