[ابراهيم المدينه]

هجيت من باب الشعر فيك منهاج
و هاجت حروف(ن) لـ لمعالي عجوله

واشعلت ضي يمّ القرانيس وجاج
و العبت بسيوف المطاريق حوله

من حظي العايجّ غبّ الشعر هاج
سلّم نجـوم اسهيل عَـقْـد ٍ عَـمُـوله

يا قافِ همّي له اعاصير ِ منعاج
حظي انا إمقيـّدات(ن) غلـوله

مسناده الديباج مسنادي الصاج
في ليل غاتم معتمات ٍ هزوله

دوّجت كل ما داج با لقلب دلاج
احترت في نجم(ن).. مِطـَــوّل افوله

حبن تعدى بي انا ساحلَ العاج
حبن خـذا له بين الاضلاع جوله

يا حر جمره من عنا القلب وهاج
يرعد بظلعن ما تنحّت اشلوله

ايصج من بيـن المعاليـق صجّـاج
لا مـن بعد اشوي .. ندهني بزوله

ولا شفت زوله هاجس الشعر انباج
متناسي(ن) حزن(ن) بـ قلبي نزوله

يا مرحبا بك عد ما صاب خملاج
مَرْباعهِ الصمّان مَحْدَرْ سيوله

الجوِّ في غيبـتك مكبوت و عجـاج
وبـ شوفِـتِك هالزين نوّخ ذلــوله

نرتدّ يا صاحِ على نوّ اسراج
احرق فتيلي,, و السجايا خجوله

لامنّ جيت الوجد للوجد محتاج
محتـاج من ثلثـيـن قلبـي معوله

لامن بغيت الزين للزين حجاج
وما كل ما نبـغيه نقــدر نطوله

و البعد ياهو صعبِ تلـقى لهِ اعـلاج
و ِ وقتــنا لا بــدّ يرهـي حمـوله
--------
منقول لعيونكم

الموضوع الأصلي: (مــا كــل مــا نبـغـــيــه نـقـــدر نـطـولــه!!! ) | | الكاتب: ابراهيم المدينه | | المصدر: شبكة بني عبس

[وسام عبس]

صح لسانك ولا هنت قصيدة جميله فعلاً ...

[المسافر]

صح لسان شاعرها وناقلها

[ابن فجوان]

صح لسان شاعرها ةسلمت يدين ناقلها
لاهنت ودمت سااااااااااااالم

تحياااااااااااااتي
تقبل مروري

[ابراهيم المدينه]

يعطيكم العافيه
احبااااااااااااااااااابي