[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر شاعر الثقلين والشاعر سرحان


شاعر الثقلين

يالله ياللي لاومرت الصخر والحب انفلـق=يامخرجٍ يونس من اهواج البحور الطايشه
انك تجيب الشاعر اللي جامعٍ شعر وخلق=يامفضلٍ مريم وزينب و الحبيبه عايشه

سرحان

يلي تبا الشعار ليتك ماتهاب مـن الطلـق=ان جتك طلقه في صميم العضم قالو طايشه
الله فرق ياشاعر الشعار يوم انه خلق=لاكن جعلك ماتنوش اللي زميلك نايشه

شاعر الثقلين

يامثّل الشعار بالميـدان سنتـر وانطلـق=الطلقه اللي ماتصيب يقال عنها دايشه
الله هو اللي خالق ابن أدم وخلاق العلق=مالي ومال اهل القلوب اللي علينا غايشه

سرحان

الطلقه الي ماتصيب يقـال بـابً ونغلـق=كلمه لها رد وغطا والناس مثلك حايشه
كثرو مطردت الضبا اللي يهدون السلق=ضبيه هي اشهرهن ووقت الجد ماهي هايشه

شاعر الثقلين

العسكريّ اللي مشى بالدرب ساعة وانزلق=مادري مضيع بدلته والا مضيع قايشه
الضبيه اللي لحمها بالقدر والنار انسلق=مامرت انياب السباع ولا اقرصبها الهايشه

سرحان

هذاك تاتلقـاه باالطرقـه يطاولـه القلـق=يمشي على قول المثل عايش لناسٍ عايشه
ترى السباع اليوم قلة مثل شارب وانحلق=صار الزمن من حض هاذيك الحيايا الكايشه

شاعر الثقلين

الجفن لاطال السهر لازم بطبعـه ينبلـق=واهل القلق باكواخها متقالقه متخايشه
اشوف لي سبعٍ براس الضلع راسه منفلق=اما الحيايا بالقدم توطا ولو هي شايشه

سرحان

الجفن حاربه الكرى والهم في صدري علق=وش عاد باقي يازماني من علومٍ فايشه
السبع يمشي اخر الايام حسب المنطلق=ماناش احد لاكن ويل اللي بضلعه نايشه

شاعر الثقلين

ياوارد الماء غرب هداج امتلا والا انشلـق=ومن يعلم الاسرار بقلوب الصدور الجايشه
ترى الجمال اللي عليها الوسم باشكال الحلق=ماساوقوها اهل الذهب واسوقها مترايشه

الموضوع الأصلي: شاعر الثقلين××سرحان | | الكاتب: العالم الفلكي | | المصدر: شبكة بني عبس

[سعد الشقل]

صح اللسان الشاعرين العذبين .. شاعر الثقلين وسرحان

ومحاوره من اجمل المحاورات التي قرأتها ../

الله يعطيكـ العافيهـ يالعالم الفلكي على المجهود الرائع ../

[العالم الفلكي]

اقتباس من مشاركة سعد الشقل صح اللسان الشاعرين العذبين .. شاعر الثقلين وسرحان ومحاوره من اجمل المحاورات التي قرأتها ../ الله يعطيكـ العافيهـ يالعالم الفلكي على المجهود الرائع ../

الله يعافيك اخوي سعد الشقل ومشكور على المرور والتعليق

[نايف سليمان]

العالم الفلكي مشكوووور وماقصرت على التنسيق الجميل


ومثل هذه المحاورات تستحق التنسيق والإشاده محاوره قيمه




ودمت بخير

[سرحان]

مشكور ياالعالم الفلكي
وبيض الله وجهك

[العالم الفلكي]

اقتباس من مشاركة نايف سليمان العالم الفلكي مشكوووور وماقصرت على التنسيق الجميل ومثل هذه المحاورات تستحق التنسيق والإشاده محاوره قيمه ودمت بخير

وانت مشكور على المرور والتعليق بيض الله وجهك

[العالم الفلكي]

اقتباس من مشاركة سرحان مشكور ياالعالم الفلكي وبيض الله وجهك

وجهك ابيض ياسرحان

[سهــــــــــيل]

صح لسان الشعراء العمالقه ومشكور يالعالم على التنسيق ،،،،،،،،،،،