[ლ..عذبة الاطباع..ლ]

الوايليـــــه.....!!

وش هو قصدك هي جهالة ولا تقصدها سبوبـه
والا من عرض السوالف كلمه مـرت عابرّيـه

لا تخبّط في كلامك أعـرف الشـرق وغروبـه
أسمع : أفهم غصب تعرف وش هي ذيك الوايليه

صدرنـا لـو وسيـع وبالوسـاعـة لقبـوبـه
وأن زعلنـا مايجابهنـا فصـيـل ولا سـريـه

هذا شرقك ويّا غربك خذ شمـالٍ مـع جنوبـه
من زمن أبوك وجـدك حتـى يـوم الجاهليـه

أن بغيت ( أولاد وايل ) سلمهم سلـم العروبـه
من سلالـة عـز سمحـة ومختومـه عنّزيـه

أن بغيت نفوس سمحة ومجلس العـز وعذوبـه
وأن بغيت دلال شقرا وريحـة الهيـل البهّيـه

خذ نزاهة بالصداقة .. خـذ رياجيـل محبوبـه
وخذها طيب وخذ قرابه وخذها طنخـات بدويّـه

خذ زحازيـحٍ تطابـح تصلـي النـار وشبوبـه
خذ شجاعة وخذ مهآبة وعزة النفـس القويـه

خذ شهامة بالفعايل .. خذها في وقت الحروبـه
خذها صدق وخذ صلابـه مابنـا يخلـي خويّـه

جرّب أنخى أقصى واحد نخوتة تسبـق هبوبـه
أقصى واحد لو نخيتـه يحـذف عقالـة عطيّـه

وأن نصاهم من هو يشكي من همـومً يسّرويـه
يحتوونه بالمراجـل ليـن يشـوف السرمديّـه

ومن خطرهم في مضيـفٍ أنطحوبـه وحتفوبـه
والمفاطيح تطابـخ فـي نهـار وفـي عشيّـه

وان خذينا يكفي مئة نأخـذ الطيـب بخصوبـه
وأن عطينا مئة قليلـة نعطـي المليـون ميـه

عيبنا والعيب واحـد عيبنـا ماهـي محسوبـه
عيبنـا لامـن فزعنـا نقلـب أرض الجاذبيـه

كل رجمٍ بـه مراجـل بيـرق العـز نصبوبـه
من ظهرنا لين صرنـا علومنـا ماهـي رديّـه

الخليـج وحاكمينـه بقـوة البـاس وصلوبـه
وأحكموا شبة الجزيرة وأحكمـوا نجـد الحميـه

أحكموها ( أخوان مريم ) عالي المجد ورقوبـه
أم قصـر ويّـا الشقايـا ليـن زور الساحليـه

وأحكموها ( أخوان نورة ) قوة السف أعسفوبه
حكمهـم كـل أتجـاهٍ ليـن حــد الهاشمـيـه

( والخليفة ) في بحرها حكـم صـارم ثبتوبـه
حكمهـم فيـه الصلابـة والامانـة الواقعـيـه

وشيـخ ( أبـن هـذال ) والمشايـخ أهتفوبـه
محـروت العـز الاول مـن زحازيـحٍ صقيّـه

إقضب أرضك لا تخبّط أفـرق الخيـل بركوبـه
أفرق طيور الحـرارا بيـن حـر وبيـن ديـه

قلت لـك مليـون مـرة أبعـد الشـر ولهوبـه
بـس ماخليـت فيهـا لا حشيمـة ولا وصيّـه

هذا ردي للي مثلـك باعـوا العيـب وشروبـه
وهـذا ردي لكـل واحـد مايعـرف الوايلـيـه

والنعم باقي القبايـل مابهـا قصـور وعيوبـه

وتحياتي ..

والنعم بخواااااااالي عـــــــــــــــــــــــــــــــــبس....راسهم مرفوووع وانا عنزيه

كلي غلا***

الموضوع الأصلي: الوايليـــــه.....!! | | الكاتب: ლ..عذبة الاطباع..ლ | | المصدر: شبكة بني عبس

[أبو مهند]

والنعم بخواااااااالي عـــــــــــــــــــــــــــــــــبس....راسهم مرفوووع وانا عنزيه

ماعليك زووووووود وبيض الله وجهك

اشكرك وصح لسانك

[ლ..عذبة الاطباع..ლ]

صح بدنك اخووووي

سعدت بمررررررررررررررررررررررورك
.
وانتظر البقيه

[نقطه]

يسلمووووو يعطيج العافيه ربي يسعدج
صح السااااانج

[ლ..عذبة الاطباع..ლ]

الله يعاااااااااااااااااااافيك

شكرا ع المروووور

[ساره الرشيدي]

مشكوره تسلم ايدج وصح السانج

[ولد الشرقية]

صح لسااانك
والنعم بعيال وايل وخوالك عبسسسس.

[ولد حايل]

قلت لـك مليـون مـرة أبعـد الشـر ولهوبـه
بـس ماخليـت فيهـا لا حشيمـة ولا وصيّـه

بيض الله وجهك كلي غلا

والنعم ببني واااااااااااايل

ويا هلابك عند خووووااااااااااالك