[الاجهر]

السلام عليكم ورحمة الله وبركاته

	قصيدة راقيه وصلتني واطلت عليها وبيت اطلعكم عليها تعجبكم وهي بالتاكيد سوف تعجبكم لانها مميزه

إذا المراجل لبسـة شمـاغ وعقـال=قـل للعـذارى يلبـسـنّ العمـايـم
ما عاد يفـرق زول حرمـه ورجـال=دام الفعايـل تشبـه البعـض دايـم
المرجلـه مـا هيـب كلمـه وتنقـال=وتروح ما راحـت هبـوب النسايـم
وإلا خشونة صوت أو رفـع الأثقـال=أو رزة صـدور وفـعـل الـزلايـم
ولا هي بعد مفتـاح موتـر وجـوال=وإلا ردى لسـانٍ حديـثـه شتـايـم
المرجله شيمه عـن القيـل والقـال=رفيـع نفـسٍ حـر بالجـو حـايـم
المرجلـه عقـلٍ وزن وزنـه جبـال=ودون العقـل وش فرقنـا والبهايـم
يا مسندي لو مايل الوقت بـي مـال=يا ولـد أبويـه يـا عظيـم العزايـم
يا معرب الجدين مـن العـم والخـال=يا نخـوة المفـزوع وقـت الهزايـم
المرجله يا خوي هـي طولـة البـال=هي العـزم هـي الصبـر فالظلايـم
فيهـا الكـرم عـزه دلـه وفنجـال=فيها الكرامه عن ردى الطبـع شايـم
والدين لامنـه خـذا القلـب منـزال=مشى طريق الحـق وابليـس نايـم
ومن لا عرف ربه في طيـب الحـال=لابـد وقـت الضيـق بالهـم هايـم
حتى صلاتك مـع جماعـات ورجـال=في خيرها يـا خـوي نعـم الغنايـم
ولامن نصف ليلك قم صفـي البـال=يا عظم أجـرك بيـن ساجـد وقايـم
ولا من رفع ربي لـه كـل الأعمـال=حسن الذكـر لا قالـو فـلان صايـم
وخلك شريف القصد يا طيـب الفـال=سـوء المقاصـد فالبيـوت الهدايـم
واحذر تبيع النفس فـي دب الأنـذال=وتتبع خـوي إبليـس راع النمايـم
النفس خيـل لـك إذا كنـت خيّـال=ومن لا قوى نفسـه قوتـه الهزايـم

الموضوع الأصلي: قـل للعـذارى يلبـسـنّ العمـايـم | | الكاتب: الاجهر | | المصدر: شبكة بني عبس

[ابو راشد العبسي]

صح لسانك وصح لسان شاعرها تسلم يالاجهر

[محمدالذيابي]

قصيدة قمة في الروعه والتعبير .. كـــل الشكر لكــ أخوي الاجهر على النقل

[هاني العرعري]

صح لسانك وصح لسان شاعرها
تسلم يالاجهر تحياتي وتقديري