[غيظ عبس]

اخواني الاعزاء اتمني ان ينال هذا الاختيارعلي حسن اذوووقكم .......

تدري وش اللي يجرح القلب جرحين
ويمد حبـل الحـزن فيـك ويشـدة

انك تناظر طفل مـن غيـر ابويـن
يمشي ودمعـة سايـل فـوق خـدة

منظر صعيب ويقسم القلـب قسميـن
لا قـام يمسـح دمعـة بكـف يـدة

يمشي ولا يدري طريقة علـى ويـن
لين التعب من كثـر مـا تـاه هـدة

اثقل حـروف يشيلهـا فيـة حرفيـن
لا أب يـدريـبـة ولا أم تـــردة

في خطوته رحلـة ودمعـة وسكيـن
وحـظ توسـد بالمراسـي مـخـدة

جيت اسألـة بالله قللـي ولـد ميـن
وبغي يجاوب وختنـق صـوت ردة

أنـا يتيـم ومـا لدربـي عنـاويـن
.وجزر الحزن فينـي يسـاوي لمـدة

وطعم الطفولة ما عرفته لهـا لحيـن
وثوب السعادة صـرت مانيـب قـدة

ابكي إلى من شفت غيـري سعيديـن
ليـن البكـا فينـي يوصـل لحـدة

واقفي ورحت امسح دموعي من العين
وعيني تناظـر دمعتـه فـوق خـدة

وهذا اللي يجـرح القلـب جرحيـن
ويمد حبل الحـزن غصـب ويشـدة

مـــحــــــبــــــــكــــــــــــم

(( غيــــــــظ عـــبــــــــــس ))

الموضوع الأصلي: تدري وش الي يجرح القلب جرحين | | الكاتب: غيظ عبس | | المصدر: شبكة بني عبس

[مجرووح2000]

شكرااا على القصيده

[أبو مهند]

يعطيك العافيه على الرائعه

[ابو سامي]

يعطيك العافيه على الرائعه