[وسام عبس]

ياقلب ويـن اللـي تعـزه وتغليـه
ومن دون كل النـاس دايـم تـوده
يامانهيتـك عنـه و تقولـي ابيـه
لاقلـت هـده قلـت مااقـدر اهـده
اليوم بـان اللـي يكنـه ويخفيـه
شوف الحقيقه بان مزحـه وجـده
اللي خدعك ارجوك مابيـك تطريـه
نصـاب والنصـاب لازم تـصـده
ياقلب مانـي لعبتـن بيـن اياديـه
اشطب عليه وكـل الابـواب سـده
من باعنـا ياقلـب ماعـاد نبغيـه
لوكـان مفتـاح السعـاده بـيـده
في هاالزمن مافيه واحـد تصافيـه
ماعـاد باقـي حـب ولا مــوده
عذبتنـي ياقلـب ماتفتهـم لـيـه
كل شخص يضحك معك صاحب تعده
تـراك مزعجنـي بطيبتـك ياهيـه
واتعبت رجلي معـك روحـه ورده
اسمـع كلامـي ولاتزيدالمشاريـه
وتبـدا تناقـز بيـن مـده ومـده
اذا لقيـت انسـان تقدرتثـق فيـه
انـا اطلبـك واقـول لـك لاتهـده

__________________

الموضوع الأصلي: ياقلب ويـن اللـي تعـزه وتغليـه | | الكاتب: وسام عبس | | المصدر: شبكة بني عبس

[محمد الجريشي]

لله درك

اختيار رائع

تسلم يمينك يابعدي

[برق الوسم]

صح لسان شاعرها

وسلمت انامل ناقلها

[ابو ريان الرشيدي]

صح لسان شاعرها

وسلمت انامل ناقلها

[وسام عبس]

شااااااااااااااااااااااااكرررين مرررووووووورررك


الله يعاااااااااافيك




تحياااااااااااااااااااااااااااااتي

[مناورالعويمري]

صح لسانك وتقبل مروري

[عادل]

احداث سبتمبر وبـوش وفلسطيـن

وشارون والضفة وياسـر عرفـات

كشمير باكستـان والهنـد والصيـن

وصدام واحزابـه وترقيـع مافـات

وافغان ابـن لادن ومـلاه والسيـن

والجيم باللي راحوا اشتات واشتـات

وشمعون بن بيريز واسحاق رابيـن

ان كـان فتشنـا بوسـط الملفـات

ومفاوض عريقات والشيـخ ياسيـن

وفتح وحماس ومن بقى حي من مات

وين العروبة وين الاسـلام والديـن

وين الشجاعة والظفر وين الاثبـات

ياهل السطر ياهل الخطر بالمياديـن

والله ياهـى مهزلـه وانكـسـارات

واطفال وحجاره وعجـز ومساكيـن

ومداهمـات وفبركـه واعتـقـالات

ومجنـزرات وقتـل نـاس برييـن

بلا سبـب تهـدم عليهـم عمـارات

طالع وبالشاشـه تشـوف الثعابيـن

وتشوف كيف الجـور والاغتيـالات

خوف ودهر وان الدهر له معاويـن

فى كل يوم مطوحييـن بالاصـوات

لكن جميع الناس بـالارض قاسيـن

ماحالهم من كـل الاقطـار فزعـات

ماينطبـق معقـول كـل القوانيـن

على الفلسطيني من النـاس بالـذات

وين الصليب اللي بلانسـان معنيـن

ومنظمـات الحـق والاضطهـادات

وكلً يقـول اليـا ذكرهـم ملاعيـن

وعلى الجميع ان قلتها حـق لعنـات

سادت بني صهيون واصحابها اثنين

ورفرف علمهم عندنـا بالسفـارات

ولندن واشنطن وباريـس راضيـن

والحكم لاهل الغطرسه والحضـارات

وباشا وتاشا اسلام بالنـوم غافيـن

ناموا ولاقاموا وصـاروا خواجـات

ياعريبنا اصحوا لاتصيروا مجانيـن

وكلً علـى الثانـي يـدور حيـالات

الارض فيهـا عايشينـن ملايـيـن

لكن امريكـا فـي يديهـا القـرارات

فى غربتك عند اليهـود الخسيسيـن

مدري متى وسطك نصلى الصلـوات

ياثلثنا اللـي يكتمـل فيـك ثلثيـن

ياثلـم مثلـومٍ بلاسـلام بسـكـات

مالمسلمين بدون شوفـك عزيزيـن

ولا عليهم فـي غيابـك حسوفـات

اعيونهـم مكـسـورة بالبـلاديـن

وسلاحهـم شجـبٍ وردد هتـافـات

ولا للجهـاد ابــلاد والا ميـاديـن

مافيـه تلقـا الا مسـارح وبـارات

مير انتظر واصبر على العسر والين

وتبي بعـون الله تـدور المـدارات

ياقـدس والله ودي اجيـك هلحيـن

لكـن مالـي حـول والا حــوالات

نعيش فـى ذلـه ونعمـه محاطيـن

ريش وغوزيـات دسمـه وكبسـات

ناكل وفيك نطالـع الجـرح لاهيـن

بالصحف ظهر وعصر نقرا المقالات

عبدالله باتل الرشيدي
القصيدة منقوله