[العبسي الغامض]

هذه القصيدة المروبعه النادرة في صياغتها وحبكها
وسبكها والمتميزة للشاعر
مرشد سعد البذال رحمه الله





داج الظلآم أنزاح00والنور له ضـوح=نور الصباح مضيح. . والليـل زايـح



مالي هوى بمزاح00والقلـب ملـدوح=فكري من التلميـح . . غـادٍٍ شلايـح



كنـي علـى لفاح00غصـنٍٍ بلحلـوح=قاعة حزوم وشيح . . وأرضه كلايـح



يامشغل المرتاح00بسك مـن النـوح=ورقٍٍ على التطويح . . ماهي شحايـح



يامن طربك انياح00كـدرت مجـروح=طربٍٍ وهو تفويح . . جوفـه جدايـح



صفقت راح براح00لحت النحر لـوح=لوحة يتيـمٍٍ ليـح . . دمعـة سبايـح



يالقلب وطرك راح00ماظن له قـروح=اليـوم بالتشبيـح . . مالـك صلايـح



يوم الدروب سماح00والدرب مفتـوح=بديت في تفصيـح . . قـولٍٍ صحايـح



أخذت لي مشواح00باسـرار وفـروح=ركب الغرام مشيح . . هجنـه طفايـح



لي بالهوى ميلاح00والهـم مكسـوح=وموقـعٍٍ تصحيـح . . حـب الملايـح



قلبي كمـا الملواح00بيديـن طـاروح=من كثـر التلويـح . . رزقـه توايـح



السد ما ينباح00مـن غيـر سامـوح=واللي زرّى بفريح . . خلـه يصايـح



يلومني من كاح00شين اللغـى كـوح=خبلٍٍ عطى تسنيح . . جـاك امتدايـح



تسلّى بها الأرواح . .زاح الكـدر زوح=حبٍٍ بـلا تبريـح . . مابـه بجايـح



لوالهوى ذبّاح . . له ميـل ورجـوح=ولاحدٍٍ يعيش مريح . . والعمـر رايـح



واليوم لي مصفاح . .عن ورد وسروح=الجهل هو تلقيح . . غـرس القبايـح



يوم الموقر لاح . . أنا ويـن ابـروح=بديـت بالتصليـح . . والله يبـايـح



كيف الحول ياصاح . . في عذلة الروح=شف لي هدف ياشيح . . ذرب النصايح



ماكتب بالألواح . . ماهـوب ممسـوح=اليوم هو توضيح . . عطب الجرايـح



من عاش بالأفراح . . لابد مـن نـوح=ساسٍٍ بلا تسليـح . . خطـر اللوايـح



والعقل هو مفتاح . . بيبان مصلـوح=وينزحك تنزيح . . عـن كـل سايـح



عن ربعة السفاح . . يالقلب منصـوح=لاتتبعه وتطيـح . . مـا بـه ربايـح



مثلك ليا من طاح . . خـلاه مسـدوح=أترك ردي الكيـح . . زيـن السنايـح



زبن الرفيق شناح . . بالطيب له نوح=من ورد عين السيح . . عاف الضحايح



نفسه على الأمداح . . قد شاحها شوح=ذكره مع أهل الفيح . . وأهل البرايـح



خله وراك سناح . . عن كـل كاثـوح=ينجّحـك تنجيـح . . رجـل المدايـح



كانّه بكرب شباح . . للضـد ذرنـوح=صميدعٍٍ زحزيح . . عطـب الجوايـح



ليا عدّي المياح . . في جانب الصـوح=كان الروّي تشنيـح . . للدلـو مايـح







اتمنى ان تحوز

الموضوع الأصلي: قصيده نادره للشاعر مرشد البذال!! | | الكاتب: العبسي الغامض | | المصدر: شبكة بني عبس

[ناصر الخياري]

الله يرحم الشاعر مرشد البذال ..
تسلم اخوي ..

[العبسي الغامض]

يعطيكــ العاااافيه يامشرفنا على المرور العذب

[عبيد33]

اشكرك يا العبسي على النقل المميز

[العبسي الغامض]

لاهنت ياعبيد على المروع الطيب

[عبدالرحمن هليل]

الله يرحم البذال ويعطيك العافيه ياكاتبها

[نايف بن شميلان]

تسلمــــــ اخــــــــــــــــــــــوي رائع دااااااااااااائمااااااااا


تقبل مرووووووووووووري وشككككككككككري ،،،،،

[(الفارس)]

قصيدة رائعه للشاعر الكبير

يعطيك العااافيه