[ناصر الداموك]

جهمت من العيون ولاضواك الليل غير هناك

ورى هدف الضلوع تسامر القمـرآ بخفاقـي

تريض لاتعبت من اول الطرقه الـى ملفـاك

متى صبح العيون اللي هدبها يطرف اعماقـي

هلا ولاهـلا قـد قلتهـا قبلـك لـذاك وذاك

ابـآدور كـلام ماسمعتـه وانثـر اشواقـي

وابشعلها قصيد من اول الدنيـا الـى دنيـاك

تهب مع الهبوب اليا ندهتك جـذوة اوراقـي

وابنضمها قلايد لين تقـدح بالسمـا طريـاك

مادامي شاعرك ليه الظلام يـرف باحداقـي

دريت انك حبيبي قبل اموتك واعشقك واحياك

وصرت اول طريقي واخراحبابي وعشاقـي

سمعت احلى احبك في حياتي كلهـا بشفـاك

اثر بعض الشفايف همسهـا غيمـه وبراقـي

تسولف لاتغنـي لاخيـال مالحقـت اقصـاك

بغيت استوعبك شح الخيال وضاقـت افاقـي

سهى قلبي معاك وفاحـت الدلـه ولاقهـواك

على صالي حشاي اركى لك الدلـه ولافاقـي

سرقته بالحنان وهرجك الخاثر وشفته جـاك

فزعت ارد قلبـي واثرنـي حبيـت سراقـي

وصلت آخر مداي وقلت لك خلك على مركاك

لوان الموت كاسك باشربه ياحضرة الساقـي

توسدت الجراح وكل جرح مايطيـب فـداك

تنهدت الغياب ونبـت بيـن ايديـك مشراقـي

تعذر لليالي لي غدى ورد الطريـق اشـواك

ترى كل الدروب اللي مشينا ماثنـت ساقـي

لو انه مابقى عندي بهاالدنيـا ياكـود اهـواك

لاقول اني خذيت اللي خذيت ولابقـى باقـي

الموضوع الأصلي: قصيدة لمساعد الرشيدي | | الكاتب: ناصر الداموك | | المصدر: شبكة بني عبس

[برق الوسم]

صح لسان الزعيم
ولاهنت ياناصر ع النقل تقبل مروري

[رواية]

صح لسان أبو فيصل
مشكور أخوي على هذه القصيده

[ابو ريان الرشيدي]

صح لسان أبو فيصل

مشكور أخوي على هذه القصيده

[ولد الرياض]

صح لسان أبو فيصل

[أمـ الشوق ـير]

صــــــــح لـــــســـــــان الــــــــزعـــــــــــــيم

والله لايهينك على النقل

[ابو سامي]

صح لسان أبو فيصل
مشكور أخوي على هذه القصيده

[شداد المظيبري]

صووووووووووح لسانه ابو فيصل


على القصيده الجيده

لاهنت
ناصر الداموك

نقل موفق