[هتلر الرشيدي]

السلام عليكم ورحمه الله وبركاته..


لقد صليت اليوم صلاة الأستخارة ولقد خرج لي رقم هاتفك على طبق من نووووووووور

ثم تبين لي أنك مسهوووووووووووووور (مسحور) ولاكن اللهجه المكسره تطلع مسهور

واللذي سهرك أبنااء أمك <<(ابناء عمك يعني ) هع

ومن هالخرابيط


^^^^^^^^^^^^^^^^^

هذي المقدمه الله لا يشقينا

طايحين فيها هاليومين يدق عليك ورقم خاص والسلام وانت مسحور وحول لنا مبلغ مدري كم علشان نذبح لك بقره ولا صرصور خرابيط مالها والي و ولا يصدقها المجنون فكيف بيصدقها العاقل

والمشكله صدقوها

طبعا طريقتهم هذي قديمه شوي حقت ان يقولون لك مسحور

الحين في عصابات جديده منظمه بشل مو طبيعي

تقوم بالتعاون مع ناس هنا يجيبون لهم معلومات عن اشخاص عن طريق مستوصفاتهم الخاصه الي يراجعون فيها
فيجيبون الملف وياخذون اسم المريض ورقم هاتفهم وعنوانه وياخذون الشي الأهم اللي هو اعراض او نوع المرض اللي عنده
وهنا تبدأ المشكله
فيتصل عليه الكاهن النصاب
ويقول له ان اسمك كذا وان ساكن بكذا وانت الحين مريض بمرض كذا

فالأنسان يدخله الشك من هالباب واحيان يصدق

لكم هالمثال

صديق اخوي بالعمل يقول واحنا جالسين وياه
شوي جاه اتصال وهو يسمع ويجاوب بس فجأه شوي معاد رد عليهم وطلع من العمل وراح لمكتب حوالات

لما وصل للمكتب وخلاص بيحول 2700 ريال
موضف الحاولات من جنسيه اسويه اتوقع اندونيسي او هندي مادري
بس لما شاف التحويل والطريقه عرف انه ملعوب عليه وصار ينصحه ويقول له انت منت صاحي اصلا يوم تصدقهم هذولي معروفين عندنا بالدجل والنصب
وصارت خيره له

الأتصال كان من شخص يقول له انك انت مريض وفيك مرض في عيونك
وهو فعلا فيه مرض بعيونه
وقال له ارسل 2700 علشان نذبح لك بقره هع

والضعيف صدق


ولد عمي اليوم هو الي ذكرني بالسالفه يقول اتصلوا علي 3 مرات
الأولى سكرت
والثاني قفلت في وجييههم ؟<-- مافي فرق بين سكرت وقفلت

الثالثه قال بسمعهم <-- وهذا اول مفتاح من المفاتيح الخطره

وفعلا سمعهم بس من فضل الله كان مركز اكثر وما صدقهم
وانتهم المحادثه بينهم بهالشكل

الكهان = ارسل 3000 ريال
ولد عمي= مانيب
الكاهن = سوف تندم
ولد عمي = تخسي
الكاهن = سوف تندم
ولد عمي = تهبأ

مدري عن هالكاهن يفهم ولا لا هههههه بس سكر بوجهه اخر شي

فياااااااااااااااااامعشر الناس <-- هذا هو المحك

انتبهوا من هالشي
خصوصا ان مثلا يكون فيك مرض مزمن مثل ربو او الم متعبك وما تدري من شنو

فيجيك اتصال ويقول عرفنا شو اللي فيك فراح تندفع وراه اكيد


او يكون فيك او بأحد معارفك لا سمح الله مرض خطير وصعب ويجيك مثل هالأتصالات فتكون اقرب للتصديق
خصوصا انهم ماخذين معلوماتك كامله


فبسألكم كم سؤال علشان تدخلون الجو شوي

الأول ؟

هل سبق وانت اتصل بك احد من هالعينات ؟

الثاني

هل في قصه تعرفها عن هالحالات ؟
الثالث

نصيحه لكل من يصدق هالأشياء ؟





فأبيكم تشاركوني هالحمله او هالتذكير المهم اللي يقدر يوصل للناس او لمعارفه على هالأقل هالفكره ترا مهم لا ممكن يكون اقرب الناس لك هو الضحيه

وشكرا

الموضوع الأصلي: يقولي مسحوور؟ | | الكاتب: هتلر الرشيدي | | المصدر: شبكة بني عبس

[ولد الشرقية]

كذب المنجمون ولو صدقوا
تسلم اخوي ولي عودة للموضوع

[ريتال الداموك]

أخي الكريم هتلر الرشيدي
موضوع جميل وقد تناوله التفزيون السعودي لعدة حلقات وقام مشكوراً للتنبيه عنه فأصبح المجتمع أكثر وعياً من ذي قبل ..
فعلاً مأساة ما يحدث الآن من إسغلال الدجالين لبعض المرضى وإوهامهم أنهم مسحورين من قبل آخرين وهم طريقهم الوحيد الذي سينهي جميع مشاكلهم
أسأل الله العافيه
الناس أصبحت الآن أكثر وعي من ذي قبل ...شكر لك على طرح الموضوع للتنبيه

[هتلر الرشيدي]

مشكووووووووووور أخوي ولد الشرقيه ع مرورك >> >>

[هتلر الرشيدي]

مشكوووووووووورهـ أختي رتال >> على مروووووك

[شـــوق]

هالامر صار تاجره رابحــه .. يعني اقعد من الوظيفه واقعد اتصل على خلق الله وتربح.. الله يكفينا الشر..
بعتقادي ما يصدق هالامر الا من صادف هالكلام شي بنفسه .. يعني يكون من اووول باعتقاده انه مسحور وجا هذا اكد على كلامه..

هل سبق وانت اتصل بك احد من هالعينات ؟
مادري لاني ما ارد على ارقام ماعرفها ..

الثاني

هل في قصه تعرفها عن هالحالات ؟
اتصلو بأم رفيجتي وقالها انتي مسحوره ونفس الحوار .. ولما ماشاف نتيجه سكر التلفون بوجهها
الثالث
نصيحه لكل من يصدق هالأشياء ؟
لو كنت فعلا شاك انك مسحور او ممسوس .. روح للمشايخ الثقه او انت ارقي نفسك وهي افضل الرقيه ..

[ذئب الحره]

نعم سبق ان اتصل بي احد من هولاء الاشخاص قبل يومين وكذالك قبل سنه ونصف تقريبا ومن نفس للهجة اللي ذكرت
ويبدا الحديث ويقول معك الشيخ وان حلم حلم وجاء رقم جوالك عندي في الحلم ... الخ ويبدأ في بعض الاحاديث اللي حافظهم وحافظ نفس كلامه ويتصل على الناس ...
واعتقد انهم معروفين عند كثير من الناس وسبق وان القناه الاخباريه طلعت برامج عن مثل هولاء الاشخاص ....
نصيحتي ان تبلغو اخوانك واهلكم عن هولاء الاشخاص ومايفعلون اثناء اتصالهم وان يدعون انهم شيوخ ويستغلون الناس لهدف الماده ويحاولو ان يضحكون على الناس ..
فانصحهم ان لايردون ويقفلون الخط على طول ولايعطيهم فرصه للمكالمه حتى لايوسوس فيهم مع العلم ان كلامهم واحد لجميع من يتصلو عليه
فواجب التحذير والتنبيه لمثل هولاء الاشخاص

يعطيك العافيه وجزاك الله خير

اخوكـ ذيب الحره

[غريبه بين اهاليها]

اولا اشكرك اخوي هتلر على الموضوع الرائع
وبصراحه هالشغله منتشره هاليومين بمجتمعنا الله لايبلانا
يدق عليك كاهن ويقول لك انت فيك وفيك والمشكله بعض الناس الضعاف يصدقووون ..
هل سبق وانت اتصل بك احد من هالعينات ؟
مادري لاني ما ارد على ارقام غريبه

هل في قصه تعرفها عن هالحالات ؟
ايه اتصلوا على اخوى وقالوا له نفس الكلام وخرشهم
وقفل بوجيههم
نصيحه لكل من يصدق هالأشياء ؟
مااقدر اقوله اي نصيحه الا انه يبعد الوسواس عنه ويطرد الشك