[سلطان]

(تعــــــــال ياغايب)

تعال ياغايب وطاريك ما غـــــاب=تعال عالج في حضورك صوابــــي
تعال بوجودك يزيلن الاتعـــــاب=تعال لا ينسيك طول الغيابــــــي
غربتك جمره بين عيني والاهــداب=واشد واقسى من صخور الهضابــي
عليك من عيني على الخد سكـــاب=دمعا مثل هتان وبل السحابـــــي
ولاهب لي من ذعذع الود هبـــاب=صوبك يضيع من الطواري سرابي
ضايق كأن الناس من حولي اغــراب=لا واعذابي منك لا واعذابـــــي
ان جيت اسولف هاجس السالفه شـاب=وان جيت ابسمع طيف وجهك نحابي
اسهر على ذكراك والحزن ينهـــاب=مني وينحل بي رفيع الشبابــــي
ذقت العذاب بغيبتك وانت الاسبــاب=تعال خذني من يدين العذابـــي

الشاعر // حامد زيدان الشويلعي


ولكم اجمل تحيه من اخوك السلطان

الموضوع الأصلي: جديد حامد زيدان | | الكاتب: سلطان | | المصدر: شبكة بني عبس

[عبد العزيز]

صح لسان الشاعر الرائع حامد زيدان

وتسلم على طرحها لنا

[عبد العزيز]

صح لسان الشاعر الرائع حامد زيدان على الابيات الجميله

وتسلم على طرحها لنا أخي سلطان

[العالمي]

قصيده جميله صح لسان شاعرها

[سالم الرشيدي]

صح السان شاعرها

قصيده راااائعه وتشكر عليها


ولاهنت ياالسلطان

[راحله]

شكرن على الطرح الجميل ..دمت بود.

[سلطان]

كل الشكر لك اخوي


عبدالعزيز

راحله


العالمي


راشدرباح


سالم الرشيدي




تقبلو تحيات اخوكم الســــلـــــطـــان

[هاني العرعري]

صح لسانك
على هذه القصيده الرائعه
واتمنى لك مزيد من التقدم
اخوك الـــــــــشاطي المهــــــجور