[صميدع راس]

السلام عليكم ورحمة الله وبركاته

اخواني اعضاء شبكة عبس اتصل في العمدة2 اخو صلفه وقال انه قادم بعد ان تمتع بالمقناص واجازته الربيعية وقريبا سوف يصل واهدي له هالابيات

عاد الزعيم المعتبر لاعدوا زحول الرجال=العمدة الثاني زبون المعرفه والمرجله
الله يحيي اخوصلفه من بعد نكف الرحال=عود لنا راع الشداد ومرحبا في منزله
تزيني يالقلعة من اليوم بحلي الجمال=وغني طرب للي حضر من بعد غاب بمدهله
يبا يسوق القافلة والحمل من فوق الجمال=احيان تمشي في هدوء واحيان تمشي بعجله
ممشى الرجال اهل الوفاء اللي مشيها مايوم مال=ماهوب مشي اللي بها ميله وصده وحوله
امر طبيعي يوم بعض الناس مافيه احتمال=عود فنا احدب ظهر بادت عظامة تنقله هههه

الموضوع الأصلي: اخو صلفه يعود قريبا رحبوا فيه العمدة2 | | الكاتب: صميدع راس | | المصدر: شبكة بني عبس

[ناصر خنيفر]

اقتباس من مشاركة صميدع راس السلام عليكم ورحمة الله وبركاته اخواني اعضاء شبكة عبس اتصل في العمدة2 اخو صلفه وقال انه قادم بعد ان تمتع بالمقناص واجازته الربيعية وقريبا سوف يصل واهدي له هالابيات عاد الزعيم المعتبر لاعدوا زحول الرجال=العمدة الثاني زبون المعرفه والمرجله الله يحيي اخوصلفه من بعد نكف الرحال=عود لنا راع الشداد ومرحبا في منزله تزيني يالقلعة من اليوم بحلي الجمال=وغني طرب للي حضر من بعد غاب بمدهله يبا يسوق القافلة والحمل من فوق الجمال=احيان تمشي في هدوء واحيان تمشي بعجله ممشى الرجال اهل الوفاء اللي مشيها مايوم مال=ماهوب مشي اللي بها ميله وصده وحوله امر طبيعي يوم بعض الناس مافيه احتمال=عود فنا احدب ظهر بادت عظامة تنقله هههه

نائب العمده المزور اسمع العلم اسمعه

ماهو بعايد غيربعلومن مثل جرفن هيال= حنا نعرفه مايجيب الا علوم مقوله
انته تطبل يابو راس الله يلهمك العدال= اترك عنك بعض العلوم اللي تجيب المهزله
صلفان ماعنده سوى ينقل علوم اهل الشمال= يم الجنوب وكل نار السؤ وده يشعله
انتم رعاتن لدبش لصار يومن به قتال= وحنا العقيد اليا غزانا مايعود لاهله هههههههه
حنا ترانا ضدكم بالحرب ولا في مقال= انكان في راسك سطر ابشر بكل البهذله
في ظل فارسنا المحنك الوفي واف الخصال= العمده اللي كان مانته ظالمن ماتجهله هههههههههه

[(ابوعواض)]

الله يحيك ويبقيك لاهنت ع الخبر يالذيب وصح لسسانك

وبيض الله وجهك


والحمدلله ع السسلامه ياخو صلفه

[صميدع راس]

رد لاباس فيه يالعمدة1 بس البيت الاخير متاكد انه لك وبعدين البيت الاخير تراي مااقصدك هههههههه

[صميدع راس]

اقتباس من مشاركة (ابوعواض) الله يحيك ويبقيك لاهنت ع الخبر يالذيب وصح لسسانك وبيض الله وجهك والحمدلله ع السسلامه ياخو صلفه

لاهنت لاهنت يابوعواض وصح بدنك وبارك الله فيك ويعود اخوصلفه سالم وغانم باذن الله

[ناصر خنيفر]

اقتباس من مشاركة صميدع راس رد لاباس فيه يالعمدة1 بس البيت الاخير متاكد انه لك وبعدين البيت الاخير تراي مااقصدك هههههههه

ليش استعربت الرجل مايمدح نفسه ههههههههههه

[فهد الطويل]

الله يحييك ويبارك فيك وياهلا ويامرحبا وصح لسانك
والحمد لله على السلامه يااخوصلفه.

[صميدع راس]

اقتباس من مشاركة ناصر خنيفر ليش استعربت الرجل مايمدح نفسه ههههههههههه

ماهو في كل الاحيان نوب ونوب ههههههههه