[ناصر فلاح العجرمي]

القصيدة للشاعر:تركي الميزاني/أعجبتني وحبيت أطرحها لكم
وأنشالله تنال اعجابكم ورضاكم
____________________________

لي الهون ياجرح المفارق وضيق البال
علي الهون ياهم سطابي وقدرته !

اعزك لوانك جرح ومجاهدك قتال
وروضت جسمي لاجل سقمك صبرته!

لاجل من ملك قبي من الجال لين الجال
وفجيت له باب عن الناس سكرته !

وحطيت له عن شمس قيظ الغرام اظلال
وشيدت له بيت بقلبي وعمرته !

عشقته ودللته وجريت له موال
وتخيرت قربه ليتني ما تخيرته !

رعي ريف قلبي لين صار الحشا مدهال
وعن مدهله جنبت غيره وذيرته !

سقيته من عدود الغلا والغرام زلال
بعد ماجذب من دم قلبي وصدرته !

اداري عليه من الزعل وازعل العذال
وخطاه ان كبر في عين غيري تصاغرته!

ترافقت انا وياه من يوم كنا اطفال
تكون غلاه بوسط قلبي وكبرته !

قبل مايغطي ليله المنتثر بالشال
سرقت الكرى من نون عينيه وسهرته!

نقش كل حرف من حروفي على السلسال
تباهى بها واغاظ ناس مجاكرته !

وكتبت القصايد في عيونه علي اليامال
وليا مرني صوت النواخذ تذكرته

تكاثر علي الله يجازيه كيف الحال
وانا يوم اسوق العمر له ما تكاثرته !

وبعد كل هالتقدير والحب والاجلال
تغير وهقواته عليه مغيرته!

لبسته ثياب الغطرسه لين جا يختال
وكبر في عيونه يوم الاوهام غررته !

واذاالسالفه ضحك ومهازل ولعب اطفال
خبطت الغصن لين ابرق الريش طيرته !

خلصنا وقفلنا الصناديق با لاقفال
ومن جور حكمه كامل القلب حررته !

الموضوع الأصلي: السلسال | | الكاتب: ناصر فلاح العجرمي | | المصدر: شبكة بني عبس

[ابو سامي]

مشكور اخوي على القصيده

[منصور غنيمان]

حيآكـ الله

ويـ هلآلآ وغلآلآ ..,’

[العالم الفلكي]

صح السان شاعرها

وتسلم يدين ناقلها

[سالم الرشيدي]

وين الغيبه زين شفناك

صح السان شاعرها

ومشكور على النقل الرااائع ولاهنت

[الـرونـق]

صح لسان شاعرها..

مشكور عالنقل الجميل..