[شلاش الرقاص]

[color="darkred"] هذه المحــاورة بين الشاعرين الكبيرين الغنيين عن التعريف وهـمـا :
الشاعر/ابراهيم عليان الرقاص الرشيدي والشاعر /فيصل الرياحي البقمي ,,,,,,,[/color
]ابراهيم عليان :
الليلة الملعبه فيــــــــــــــها زيادة كلام
لكن يالله على ظلـــــــم الليالي تعين
***
لو حاكم الغرب يافيصل رضا بالسلام
ماشبت النار بالضفة ولا فـــي جنين



فيصل الرياحي:
الليلة الملعبة فــيها رجــــــــــــال ونظام
وإن كنت زعلان مالك غير سمن وسمين
***
السالفة سالفة في حــــرب والا سلام
لابد يوم(ن) تــــــرفرف راية المسلمين



ابراهيم عليان:
المــــــــــــــوهبه ماتخفى ياعزيز المقام
واللي زعل لازم(ن)ترضيه جرد السنين
***
انا ادري انك زعيم القوم شيخ الــــجهام
مالي معك غير نقد الكاش ماهـــو بدين



فيصل الرياحي:
فغير فيصل الطاروق قائلا :
ياصحيبي يا ابراهيم يازين الكلام
شد حيلك خل بقعاء تولــــع نارها
***
المخايل خيلت مير عجل والهمام
انت راعي قبة العيد والا جــارها



ابراهيم عليان:
ياصحيب المجتمع ياولد شيخ الجهام
والله إن الروس دايم طوال اشبارها
***
والله اني معك لو يذن الفجر الامام
مير دور من حسين العلوم اشوارها



فيصل الرياحي:
الصقور صقور ماترتخي مــــثل الحمام
بارك الله في صقور(ن)طوال اشبارها
***
لاتحرك من محلك ولبسك الوســـــــام
كل لحيه ياعميلي لها مــــــقـــــــدارها


ابراهيم عليان:
كان ابو وجهين مايدري ان الشام شام
حفرة الحساد ياقع بـــــــــــــها حفارها
***
الشهادة منك فخري وعـــــزي ياسلام
بارك الله في نجوم السماء وشــعارها


فيصل الرياحي:
لاتلفت خل من نـــــــام في نومه ينام
المدينه كيف ضاقت عــــــــلى زوارها
***
مالقينا في قبـــــــور البقيع الا العظام
وانت مثل الحية اللي تـــهوش بغارها


ابراهيم عليان:
المدينة وسطها قبر مرحــــــوم العظام
مادخل فيها الخواجه ولاقــــــــد زارها


#########################
وانتهت المحاورة
ويستحق شاعرناالشاعر/ابراهيم عليان الرشيدي هذه الشهادة من شاعر عملاق بمكانه فيصل الرياحي ونتمنى له التوفيق ,,,,

الموضوع الأصلي: محاورة الشاعر/ابراهيم عليان الرشيدي وفيصل الرياحي | | الكاتب: شلاش الرقاص | | المصدر: شبكة بني عبس

[سعد الشقل]

صح اللسان ابراهيم وفيصل الرياحي



والله لا يهينك على نقل هالمحاوره الرائعه

[عايض بن صالح]

لاهنت يالرقاص

[فهد القلادي]

لاهنت ياشلاش على نقل هذه المحاورة الأكثر من رائعة

[JljJjJl]

ويستحق شاعرناالشاعر/ابراهيم عليان الرشيدي هذه الشهادة من شاعر عملاق بمكانه فيصل الرياحي ونتمنى له التوفيق ,,,,

أخي شلاش

هل تعتبر بيت الرياحي هذا شهادة لابراهيم!!

لاتحرك من محلك ولبسك الوســـــــامكل لحيه ياعميلي لها مــــــقـــــــدارها

السؤال: كيف فسرت أن هذا البيت بأنه شهادة ؟؟

أريد تحليل البيت تحليلاً منطقياً

[ابو براك الرياض]

صح اللسان ابراهيم وفيصل الرياحي



والله لا يهينك على نقل هالمحاوره الرائعه

[عبدالباري عبدالعزيز]

اقتباس من مشاركة JljJjJl أخي شلاش هل تعتبر بيت الرياحي هذا شهادة لابراهيم!! لاتحرك من محلك ولبسك الوســـــــامكل لحيه ياعميلي لها مــــــقـــــــدارها السؤال: كيف فسرت أن هذا البيت بأنه شهادة ؟؟ أريد تحليل البيت تحليلاً منطقياً

هذي شهادة زور ماهي شهادة حق
الله يرزق الطير والداب العما........
مايصح ألا الصحيح
شكراً يازلزال سمطره هههههههههه

[شلاش الرقاص]

اقتباس من مشاركة JljJjJl أخي شلاش هل تعتبر بيت الرياحي هذا شهادة لابراهيم!! لاتحرك من محلك ولبسك الوســـــــامكل لحيه ياعميلي لها مــــــقـــــــدارها السؤال: كيف فسرت أن هذا البيت بأنه شهادة ؟؟ أريد تحليل البيت تحليلاً منطقياً

اخوي هذا البيت واضح ومكشوف المعنى واعتقد ان الوسام لا يلبسه الا من تفوق بمجهوده
فلما رد شاعرنا بقوله:
الشهاده منك فخري وعزي يا سلام
بارك الله في نجوم السماء وشعارها



لم يعترض الرياحي على هذا الرد ولو كان قصد الرياحي غير كان وضحه لشاعر ولناس لانه شهادة ماهو اي كلام مع العلم انها اول مقابلة لهـما فاعتقد ان واضح كل الوضوح ولايستوجب التوضيح فنرجوا قراءة المحاورة من البداية للنهاية وليس هذا البيت فقط
اخوي الزلازال وعبدالباري