[فتى كسلا]

كتبت هذه القصيده من مشاكل واجهتنى فى مشوار دراستى
والى الأن موقوف بسببها

ألا يالله يا عالم بجهر العبد واســــــــراره
يرب العرش يابانى سماها فوق اراضيها
تحلحل قيد من صارت به الاقدام محتـاره
ليا منه نوى مسيارها ظروفه تعاضيـــها
ثمان سنين ولا سبع وهو يداول افـــــكاره
تواجهه الخطايا ويتهرب عن بلاويـــــــــها
غدا له خصم من لا يعرف يمينه من يساره
ولا يسند ولا روحه عن الحقران يحميــها
والا يالله طلبتك باسمك الاعظم ومقداره
تهون حاضر الدنيا بعد ماراح ماضيـــــــها
وتغنينى عن اللى طشلى فى البحر سناره
يحسبنى غشيم بها وانا عالم بما فيـــها
اعرف العلم لامن بدا نفعه من اضـــراره
ولا انطح جابة(ن) ما قادر افسر معانيها
طعمت المر والحالى وطفت بطول مشواره
ولا زلت اقدامى عن حذاها فى مواطيها
وشفت الضد من قوم(ن) على الحقان جواره
واخذت الصبر لى مسلك عسا روحى يداويها
واظن ايامنا تمضى وبالاحـــــــكام دواره
يكم عزت وكم من حولت به من معاليها
وكم حاكم حكم دوله وفيها شعت انواره
ومالت به وذوقته غربها عقب صافيها
وكم من مستحيل انكر وشدد بالخطا انكاره
وهاجمه الصحيح وحيلته خابت هقاويها
وكم من عبد مومن يصطلى بالفقر وبناره
وكم من فاجر(ن) تلعب له الدنيا بأياديها
وكم خبت(ن) بعد ماهو سناوى زان مخضاره
تهاوته المزون المستهله من مناشيها
يقوله من بنا قافه بمقياسه ومعياره
ولا يبنى بيوت الا هوه موثق عراويها


محمد بن بركى من السودان

الموضوع الأصلي: اعرف العلم لامنه بدا نفعه من اضراره | | الكاتب: فتى كسلا | | المصدر: شبكة بني عبس

[سلمان]

وتغنينى عن اللى طشلى فى البحر سناره
يحسبنى غشيم بها وانا عالم بما فيـــها


صح الله لسانك وسلم بنانك