[منارة الذئاب]

يا اخوان الله يخليكم ابي معلوما ت عن شاعر قديم جدا اسمه الابيتر الرشيدي شاعر قد توفي با كثر من 100 سنه وقصائده

الموضوع الأصلي: شا عر بني رشيد | | الكاتب: منارة الذئاب | | المصدر: شبكة بني عبس

[خاتم الرشيدي]

هلا وغلا ابن قعبوب الابيتر شاعر من فخذ القلادان
وش المعلومات المطلوبه وتجد من يجيبك أن شاءالله

تحيااااتي

[ولد الشرقية]

هلا بك بشير ابن قعبوب وانا شخصيا لاتحضرني معلومات عن هذا الشخص
ولكن الشباب بيفيدونك ان شاء الله.

[سعد بن عادي]

هلاااابك أخوي بشير

.



الشاعر عايض الابيتر القلادي اشتهر بإجادته بشعر الوصف والمدح والغزل فهو شاعر غني عن التعريف وحفظت قصائده لجودتها وقوة معانيها
فمن قصائد هذه القصيده النادرة يمدح بها الملك عبد العزيز رحمه الله تعالى حيث عاش هذا الشاعر حتى بدايت حكم الملك عبد العزيز.

رب فـرد مالـه شريـك مسـاوي =محصي العدد فطار سبع السماوات
المغني المفقـر جزيـل العطـاوي= وبديت في راعي الحروف القديمات
مظهر حقوق الله على كـل غـاوي =الجاز قـلاع الضـروس القويـات
كشاف بالحيـلات كـل الغطـاوي =يامير يامتعب مهـار(ن) عريبـات
صم الحوافـر فايتـات الاهـاوي =كم واحد(ن) يشكي منك عد مافـات
اصبح فقير(ن) عقب ماهو غنـاوي =اخذتهـا بالحكـم مابـه مـروات
وطويتها بالسيـف طـي البـراوي =ولك على المخطي مدال(ن) بعيدات
سلايـل المقـرن بعيـد الهقـاوي =عطني عطاك الله جنـان نعيمـات
اقبالت(ن) وهدايـت(ن) للرجـاوي =عطني ترى ادياري ماهي قريبـات
بيسر شعيب الروض بدنا المطاوي =ومن دونهم خشم العلم هو وبانـات
والذيب دون اللي فرى الجيب عاوي =والناس تهديلك هـداوي ضهيـرات
=

:


وكذلك:

واعيني اللي كـن فيهـا حثـاره=ولاسفاسيفـن بحجـري يلوجـن
تبكي ولا ظنـي بكاهـا جـواره=جاها الخلل من واحدن يخلف الظن
عليك ياللي مع بياضـه صفـاره=بالظـن مامثلـه عـذاراً يخلقـن
والعين عين اللي بدت حد صـاره=درعن مخالبها من الـدم شربـن
حسن صخرني بالمثايل صخـاره=صخارتن حطت عليـه بـلا قـن
يقول قبل القفـش تاكلـك نـاره=قـم سـو قيفانـاً لبالـي يلـذن
مدري هو ياخذهن عليـه عيـاره=ولا يبيهنـه علومـن يـروحـن
واركبت حيلن مثل اداما القـراره=عيرات كن براسهن طايـرن جـن
طشن زبار وريـك كلـه يسـاره=لويركض اللي بالوطا ما ولاهـن
تقـول تنحاهـن هجافـا سعـاره=عهديبهن راحن كما النجم يهـون
راحن مداويرن للناقـض جمـاره=ولاعلهن لمغيـزل العيـن يلقـن
وان كان تبكي ياحسن بعـد داره=يا ما بكن غرز العشأيـر نماهـن
ومن مايخلط الربح هو والخساره=راحن ديونه ياحسن ما قضاهـن

وقصائد الابيتر كثيره الله يرحمه حط الماوس على مستر قوقل ويفيدك ...

أتمنا قدمت لك ولو جزاء من طلبك


ودمتم كما تحبون

[برق الوسم]

الله يرحمه ويغفر لله والله اسمع فيه ولكن لااحفظ شي الاخوان مايقصرون تحياتي