[محمد بن سلمان]

اخواني وخواتي اليكم هذه المتواضعه ارجولها القبول لديكم

احيط نوب ونوب بالعلـم ماحيـط=ضايق ولا دري ليه انا بس ضايق
ياصاحب اسمع هرج ماهو خرابيط=خلك معي يا طير شلـوى دقايـق
اسمع بيوتاً مثل ضرب المخابيـط=اللي تولـع فـي هدفهـا حرايـق
ماقلتهـا بالناعمـات الشماحـيـط=ولقلتها باوضاع بعـض الخلايـق
ارقـا بهـا بالنايفـات المشانيـط=وسوقهـا وانـا بالامثـال سايـق
مرضى تعود في بطون المهابيـط=ولرضى تجي وهي سوات العلايق
ازن قواعدها على المتر والخيـط=وابني زواياهـا لياصـرت رايـق
نظامها يمنـع دخـول الشراميـط=وتحيطها من كل صوب الحدايـق
وتصير قلعة جهد مافيـه تفريـط=تليق بي وانـا لهـل فعـل لايـق
والرجل مايجهل كـلام المهاييـط=لصـار بيـن مقيـدات وطلايـق
اللي دفاترهـم نقـاط وشخاميـط=ووجيههم مغسولتـن فـي سلايـق
ويا صاحبي ماهو بانا صاحب مقيط=اللي حذف برشاه ساعـة توايـق
خلاه مابيـن الصفـا والزرابيـط=والليـل مضلـم والنتايـج حقايـق
انـا لياصارالزمـن بـه تخابيـط=وصارة حياض القوم بالما شلايـق
ربعي مخضبة الرهاف اللواعيـط=با دما رقاب اهل المهار الزرايـق
وان كان لحياض المنايا مساويـط=حنـا المنايـا فعلنـا فـوق فايـق
اليا جرحنا الجرح لايمكن ايخيـط=يبقا على طول الزمـان امتمايـق
بني رشيد اسيوف عـدلً سواليـط=ضرباتهم تجمـع وتفـرق فرايـق
ولصحابهم مزنن ركونـه نواقيـط=غيث الكبود اللي لشربـه شفايـق
هرجٍ ماهو هرج السعه والجحاليط=اثق مـن اللـي تحتويـه الوثايـق

محمد سلمان الوهيداني

الموضوع الأصلي: ( بني رشيد) | | الكاتب: محمد بن سلمان | | المصدر: شبكة بني عبس

[العريض]

صح لسانك

رااااائعه

سجل حضوري واعجابي

[خطاف الشعار]

صــــــــــح لســـــــــــــــانك
يالوهيداني وسجل أعجابي

[مسندالعويمري]

محمد سلمان الوهيداني صــــــــــح لســـــــــــــــانك وبيض الله وجهك لاهنت

[المقدااد]

صح السانك يا ابن سلمان وبيض الله وجهك والحقيقه تستاهل التثبيت مميز يالوهيداني

[خاتم الرشيدي]

صــــــــــح لســـــــــــــــانك
يالوهيداني وسجل أعجابي

[البعيد الهادي]

صح اللسانك وتعلا شانك
يالوهيداني
قصيده جزله ومن شاعر جزل
تحييييييييييييياتي

[ولد الشرقية]

صــــــــــــــــــح لسانكــــــ