[سلطان]

وادي النجم

يانور وادي النجم من حبك امسيت = مثل الكسير اللي جفى النوم عينــه
جيتك على الصدفه وياليت ماجيـت = رجعت منك اشكي جروحا" دفينه
جابتني الصدفه على غير توقيــت = وشبكتني شبك الحرار الثمينــــه
صوبتني بسهوم عينك ولا خطيــت = بسكات اخذت الروح مني لرهينــه
بريت حالي يالغضي واستحليت = قلبي ولك بالحب قصر ومدينه
ملكتني من دون طوع وتوليت = جرحا" من جروح الليال الحزينــــه
من نضرتك ياسيد الغيد وليـــت = العين تسهر والخفوق بحنينــــــه
مشغول بالي فيك لاقبلت واقفيــت = اسبح مع التفكير مثل السفينـــــه
انا الاسير اللي بحبك تبليـــــت = يانور وادي النجم لا تتركينـــــه
الحب له كاسين حلوا وحلتيـــت = حلو المذاق ومر ما تطعسينــــــه
وانا اسألك باللي حمى طاهر البيـت = عليّ كاس المر لا تقدمينـــــــه
مهما حكولك لو تأخرت ماجيـــت = هرجا" يجي لا غبت لا تسمعينـــــه
تراك كانك بالسوالف توحيـــت = تبلش بكثر الهرج ومزورينــــــه

الشاعر // حامد زيدان الشويلعي



والكم اجمل تحيه من السلطان

الموضوع الأصلي: وادي النجم (حامد زيدان) | | الكاتب: سلطان | | المصدر: شبكة بني عبس

[بشار]

كل الشكر لك ياسلطان على هذا النقل الرائع وعلى ابداعك للشاعر حامد زيدان

نحن بنتظار الجديد

كما اعجبت بهذين البيتين

الحـب لــه كاسـيـن حـلـوا وحلتـيـت

حـلـو الـمـذاق ومــر مــا تطعسيـنـه

وانا اسألك باللي حمى طاهر البيت

عـلــيّ كــــاس الــمــر لا تقـدمـيـنـه

واطلب تكمله للقصيده هذه اذا موجوده لديك

على كوثر سكون الليل ياساري بجنح الليل = على سكه طويله تستغيث الروح باريها


ولك اجمل تحيه من اخوك بشار

[سلطان]

شكراً على تعليقك اخوي بشار


وابشر في طلبك

[مبارك نافع]

صح لسان الشاعر وسلمت يدا الناقل

[مرزوق العجوني]

صح لسانه ولا هنت على النقل

[سلطان]

تحياتي ل...............



مبارك نافع

ووو


مرزوق